جەتپىس وتباسى پاتەرلى بولدى

ناۋرىزدىڭ شۋاقتى كۇنى ءبىر­قاتار وسكەمەندىكتەر ءۇشىن قوس قۋا­­نىشقا ۇلاستى. «جۇمىسپەن قام­تۋدىڭ جول كارتاسى-2020» مەملەكەتتىك باعدارلاماسىنىڭ ءۇشىن­شى باعىتى اياسىندا وبلىس ور­تا­لىعىنىڭ 19-مولتەك اۋدانىندا شاعىن وتباسىلارعا ارنالعان 70 پاتەر­لى جاتاقحانا پايدالانۋعا بەرىلدى. بەس قاباتتى ءۇيدىڭ 23 پاتەرى ءبىر بولمەلى بولسا, قالعانى ەكى ءبول­مەلى پاتەرلەر. بۇل كۇنى باس­پاناعا قول جەتكىزگەن جەتپىس وتبا­سى­نىڭ ىشىندە 29 جاسقا دەيىنگى 37 جاس وتباسىنىڭ قۋانىشى بولەك. ولاردىڭ بارلىعى – قۇقىق قورعاۋ, ءبىلىم بەرۋ, دەنساۋلىق ساقتاۋ, سالىق كوميتەتى, مادەنيەت سىندى بيۋدجەتتىك سالا قىزمەتكەرلەرى. قونىس تويىنا وبلىس اكىمى بەردىبەك ساپارباەۆ تا ورتاقتاسىپ, پاتەر كىلتتەرىن سالتاناتتى تۇردە تابىس ەتتى. ەلباسى نۇرسۇلتان نازارباەۆتىڭ العاشقى كەزەكتە حالىقتىڭ تۇرمىسى مەن ءال-اۋقاتىن كوتەرۋگە كوڭىل ءبولىپ وتىرعانىن جەتكىزگەن ايماق باسشىسى ەل ەكونوميكاسىنىڭ ورگە باسۋى تۇرعىن ءۇي قۇرىلىسىنىڭ جاندانۋىنان كورىنەتىنىن اتاپ ءوتتى. 2013 جىلى وسكەمەندە 98 مىڭ شارشى مەتر تۇرعىن ءۇي پايدالانۋعا بەرىلدى. بيۋدجەت قاراجاتى ارقىلى 9 كوپقاباتتى جانە 36 جەكە تۇرعىن ءۇي سالىندى. بيىل وڭىردە تۇڭعىش رەت «جاس وتباسى» باعدارلاماسىنىڭ قاتىسۋشىلارى مەن جەتىم بالالار ءا.مولداعۇلوۆا, ك.ماركس كوشەلەرىندە بوي كوتەرگەن جاڭا ۇيلەردەن پاتەر الدى. ۇلىستىڭ ۇلى كۇنى باسپانالى بولعان انا مەن بالا ورتالىعىنىڭ اناستەزيولوگ دارىگەرى دۋمان جاق­سى­لىقوۆ جۇبايىمەن ءبىر مەكەمەدە دارىگەر بولىپ قىزمەت ەتەدى ەكەن. – بۇگىن جاڭا پاتەر كىلتىنە يە بولىپ وتىرمىز. ءبىز سياقتى جاس ما­ماندارعا جاعداي جاساپ وتىرعان مەم­لەكەت باسشىسى نۇرسۇلتان نا­زار­باەۆقا جانە وبلىستىق, قالا­لىق ءا­كىمدىككە شەكسىز ريزا­شى­لى­عى­مىزدى بىلدىرەمىز, – دەدى قۋا­نىشىمەن بولىسكەن دۋمان ءسار­سەن ۇلى. ال «ارمان» بالا­باقشا­سىندا تاربيەشى بولىپ ەڭبەك ەتەتىن ايجان قۇسايىنوۆا جاس وتباسى رەتىندە كەزەكتە تۇرعانىنا ەكى جىلدان اسا ۋاقىت بولعانىن جەتكىزدى. – جولداسىم جۇرگىزۋشى بولىپ جۇمىس ىستەيدى. ەكى بالامىز بار. ناۋرىز مەيرامىندا پاتەرلى بولىپ جاتقانىمىزعا ەرەكشە قۋانىپ تۇرمىز. بارشا حالىقتى ۇلىستىڭ ۇلى كۇنىمەن قۇتتىقتايمىن! – دەدى پاتەرلى بولعان جاس انا. دۋمان اناش, «ەگەمەن قازاقستان». وسكەمەن.