اۋەلدە ارگەنتينالىق فۋتبولشىعا جىلىنا 8 ميلليون ەۋرو جانە ءتۇرلى بونۋستار ۇسىنباق بولعان تۋريندىك كوماندا كەيىن باسقا شەشىم قابىلداماق بولدى. سونىڭ سالدارىنان كەلىسسوزدەر توقتاپ قالدى. ويلانا كەلە يتاليالىق كوماندانىڭ باسشىلارى باستاپقى ۇسىنىستى قايتا ۇسىنعاندى ءجون ساناعان. ايتكەنمەن «يۋۆەنتۋس» باسشىلارى فۋتبولشىنىڭ اگەنتى حورحە انتۋننىڭ كوميسسيالىق الىمنىڭ باسىم بولىگىنەن باس تارتقانىن ماقۇل كورەدى.
وسى ماۋسىم بارىسىندا فۋتبولشى «يۋۆەنتۋس» ساپىندا 27 مارتە جاسىل الاڭعا شىعىپ, 12 رەت مەرگەندىگىمەن كوزگە تۇسكەن. سونداي-اق 6 ناتيجەلى پاستىڭ اۆتورى اتانعان. فۋتبولشى مەن كوماندانىڭ اراسىنداعى كەلىسىمشارت ماۋسىم سوڭىندا اياقتالادى. ال «يۋۆەنتۋس» فۋتبول كلۋبىنىڭ باسشىلارى ارگەنتينالىق شابۋىلشىنى كوماندادان جىبەرگىسى جوق.
