جوعارى باعا

گااگاداعى ءىىى جاھاندىق يادرو­لىق قاۋىپسىزدىك ءسامميتى ءبىز­دىڭ ءداۋىرىمىزدىڭ تاعدىرشەشتى ماسە­لەلەرىن ارقاۋ ەتكەن تاريحي باس­قوسۋ ەكەندىگى داۋ­سىز. مۇنداي فورۋم­داردا ەلەۋسىز ەشتەڭە بولمايدى. ەل گازەتى «ەگەمەن قازاقستان» جيىن قورىتىندىسىنا ارنالعان ءنومىرىنىڭ تورىندە مەملەكەت باسشىلارىنىڭ ەمەن-جارقىن سۋرەتىن جاريالاۋى, ونىڭ الدىڭعى ساپىندا ءبىزدىڭ پرەزيدەنتتىڭ تۇرۋى ايرىقشا ماڭىزدى دەپ بىلەمىن. بۇل – بۇكىل الەم تاراپىنان ەلباسىمىزدىڭ جارقىن باستامالارىنا, ەلىمىزدىڭ بەيبىتشىل ساياساتىنا, بىزدەگى تۇراقتىلىق پەن ەكونوميكالىق ورلەۋگە بەرىلگەن جوعارى باعا. ەلباسى نۇرسۇلتان نازار­باەۆتىڭ باستامالارى باتىلدىققا, تەرەڭدىككە قۇرىلعان. نۇرسۇلتان ءابىش ۇلى بۇرىنعى كسرو مەملەكەتتەرى باسشىلارى اراسىندا ءبىرىنشى بولىپ يادرولىق قارۋدى جويۋ جانە ورتالىق ازيادا ودان ازات ايماق قۇرۋ تۋرالى ۇندەۋ تاس­تادى. سول كەزدەگى قولدا بار قۋات ۇلىبريتانيا, فرانتسيا جانە قىتاي مەملەكەتتەرىنىڭ ارسەنالىن بىرگە قوسقاننان دا كوپ ەدى. پرەزيدەنتتىڭ كورەگەن ساياسا­تى ونىڭ سامميتتە سويلەگەن ءسوز­دە­رىنىڭ ناقتىلىعىمەن, باستا­­­ما­شىلىق ەكپىنىمەن دارالان­دى. «ءبىز جاھاندىق يادرولىق قاۋىپ­­­سىز­دىكتى نىعايتۋ ىسىنە تۇراقتى تۇردە ۇلەس قوسىپ كەلەمىز جانە بۇ­دان ءارى كەلەسى باعىتتاردى ىسكە اسى­رۋعا كۇش سالۋ كەرەك دەپ سانايمىز: بىرىنشىدەن, تولىق جانە جاپپاي يادرولىق قارۋسىزدانۋعا قول جەتكىزۋ – يادرولىق قاۋىپسىزدىككە كەپىلدىك بەرەتىن بىردەن-ءبىر امال دەپ ەسەپتەيمىز. ەكىنشىدەن, يادرو­لىق تەرروريزمدى جانە ونىڭ نە­گىز­­­دەرىن ءتۇپ-تامىرىمەن جويۋ كە­يىن­­گە قالدىرۋعا بولمايتىن ءمىن­­دەتتەردىڭ قاتارىنا جاتادى», دەگەن سوزدەر جەر ءجۇزى تۇرعىن­­­دارى­­نىڭ جۇرەگىمەن ايتىلدى دەپ ويلاي­مىن. سونىمەن بىرگە, قازاقستان باس­شىسىنىڭ بەيبىت يادرولىق باع­­دارلامالاردى قولداۋى, يادرو­لىق قارۋ­دان ازات جاڭا ايماق­تار­دىڭ قۇرىلۋى, وعان قاتىسۋشى ەل­دەر­دىڭ تىنىشتىعىنا قاۋىپ­سىز­دىك كە­پىلدىگىنىڭ بەرىلۋى تۋرالى ۇسى­نىستارى ەل بەدەلىن اسىرا تۇسەدى. ەلباسىمىز اتاپ كورسەتكەندەي, گااگا ءسامميتى جاھاندىق قاۋىپ­سىز­دىكتىڭ داعدارىسى تۇسىندا وتكىزىلگەنى بەلگىلى. سوعان بايلانىستى, يادرولىق دەرجاۆالاردىڭ وزىنە قابىلداعان مىندەتتەمەلەرىن كەشەندى تۇردە مۇلتىكسىز ورىنداۋى اسا ماڭىزدى بولماق. بۇل ورايدا, پرەزيدەنتىمىزدىڭ وسىدان ەكى جىل بۇرىنعى G-Global باستاماسىن الەمنىڭ 190 ەلى قولداپ وتىرعاندىعى قازاقستاننىڭ جا­ھاندىق بەدەلى مەن جاۋاپكەر­شىلى­گىنىڭ ارتقاندىعىن كورسەتەدى. ارداق قاپىشەۆ, ا.مىرزاحمەتوۆ اتىنداعى ۋنيۆەرسيتەتتىڭ حالىقارالىق قاتىناستار جانە تاريح كافەدراسىنىڭ مەڭگەرۋشىسى. كوكشەتاۋ.