«قاسىم-جومارت توقاەۆ «Qazaqstan» تەلەارناسىنا بەرگەن كەشەگى سۇحباتىندا ايتقانداي, حالىققا بارلىق اقپارات جاريا ەتىلەدى. قازىر ءتيىستى ورگاندار اۋقىمدى تەرگەۋ جۇمىستارىن جۇرگىزۋدە. بۇعان ءبىراز ۋاقىت كەرەك. پرەزيدەنت سۇحبات بارىسىندا اتاپ وتكەندەي, قوعامداعى ەڭ ماڭىزدى ماسەلە – زاڭ ۇستەمدىگى. ءدال وسى قۇقىقتىق پرينتسيپ نەگىزىندە قاڭتار وقيعاسى بارىسىندا ۇستالعان ازاماتتاردىڭ جاۋاپكەرشىلىك ماسەلەسى شەشىلەدى. ولاردىڭ باسىم كوپشىلىگىنىڭ جازاسى جەڭىلدەتىلگەنى ءمالىم. جۇزدەگەن ادام تەرگەۋ يزولياتورىنان بوساتىلدى. قاماۋداعى ازاماتتاردىڭ قۇقىقتارىن قورعاۋ جۇمىستارى جۇرگىزىلىپ جاتىر. قۇقىق قورعاۋ ورگاندارى قىزمەتكەرلەرىنىڭ زاڭسىز ءىس-ارەكەتتەرىنە بايلانىستى دا تەكسەرۋ جۇرگىزىلۋدە. سونىمەن قاتار اۋىر قىلمىس جاساعاندار زاڭعا سايكەس جازاعا تارتىلادى», دەپ جازدى بەرىك ءۋالي ءوزىنىڭ Facebook پاراقشاسىندا.
ول, سونداي-اق, پرەزيدەنت ناۋرىز ايىنىڭ ورتاسىندا جاسايتىن جولداۋىندا ساياسي رەفورمالار بويىنشا ءوز باعدارلاماسىن ۇسىناتىنىن ەسكە سالدى.
«مەملەكەت باسشىسىنىڭ كەشەگى سۇحباتى كورەرمەن قاۋىمنىڭ زور قىزىعۋشىلىعىن تۋعىزعانىن اتاپ وتكىم كەلەدى. بۇل ەلىمىزدىڭ اقپارات كەڭىستىگىندەگى ماڭىزدى تاقىرىپقا اينالىپ ۇلگەردى دەپ ايتۋعا بولادى. وعان الەمنىڭ جەتەكشى اگەنتتىكتەرى بەلسەندى تۇردە سىلتەمە جاساۋدا. قاسىم-جومارت كەمەل ۇلى قاتتى سۋىق تيگىزىپ العانىنا قاراماستان, بەرگەن ۋادەسىندە تۇردى. پرەزيدەنت وتانداستارىمىزدىڭ اتالعان ماسەلەگە ەرەكشە الاڭداپ وتىرعانىن ەسكەرىپ, ۇلتتىق تەلەارنانىڭ تىلشىسىنە بەرەتىن سۇحباتىن كەيىنگە شەگەرمەدى», دەپ قوستى پرەزيدەنتتىڭ ءباسپاسوز حاتشىسى.
