قازاقستاندىق فيلم بۇل بايقاۋعا Generation (بالالار جانە جاسوسپىرىمدەر تۋرالى فيلمدەر) باعدارلاماسى بويىنشا قاتىستى. جۇلدە فيلم رەجيسسەرىنە تاپسىرىلدى. ء«تۇسىرىلىم توبىنا ماعان دەگەن سەنىمى مەن ەڭبەگى ءۇشىن العىس ايتامىن. ودان بولەك فيلمگە تۇسكەن جاس ارتىستەرگە ەرەكشە ريزاشىلىعىمدى بىلدىرەمىن. بەرليندەگى كومانداعا جانە ءبىزدى شاقىرعانى ءۇشىن راحمەت. بايقاۋعا قاتىسقانىمىزعا قۋانىشتىمىن. جاسوسپىرىمدەر تۋرالى كينو جاستارعا ارنالعان», دەيدى رەجيسسەر.
كينوتۋىندى كاستينگكە كەلگەن جاسوسپىرىمدەردىڭ اشىق اڭگىمەسى نەگىزىندە تۇسىرىلگەن. ءتۇسىرىلىم جۇمىستارى 2020 جىلدىڭ كۇزىندە الماتىدا باستالعان. باستى رولدەردە ۆيكتوريا رومانوۆا مەن تاير سۆينتسوۆ وينايدى. قويۋشى وپەراتور الەكساندر پلوتنيكوۆ, قويۋشى سۋرەتشى الەكسەي شيندين, ال پروديۋسەرى دينا جۇمابەك.
ايتا كەتەيىك, فارحات ءشارىپوۆتىڭ ەركىن ايتىلمايتىن تاقىرىپتى قولعا الۋى ءبىرىنشى رەت ەمەس. «سحەما» ءفيلمىن مادەنيەت جانە سپورت مينيسترلىگىنىڭ تاپسىرىسىمەن ۇلتتىق كينونى قولداۋ مەملەكەتتىك ورتالىعىنىڭ قاتىسۋىمەن Medeor كينوكومپانياسى تۇسىرگەن.
