جۋرناليست جاينا سلامبەكتىڭ «سوندا بۇل وقيعالاردى ءبىز قالاي سيپاتتاۋىمىز كەرەك؟» دەگەن ساۋالىنا قاتىستى مەملەكەت باسشىسى بۇل وقيعانى ەل ىشىندە ءارتۇرلى اتاپ جۇرگەنىنە توقتالدى.
– قالاي بولعاندا دا ءبىز قارالى, قاسىرەتتى كۇندەردى باستان وتكەردىك. ونى مويىنداۋىمىز كەرەك. تاۋەلسىزدىكتىڭ 30 جىلى ىشىندە كوپتەگەن سىناققا تاپ بولدىق, ونىڭ ءبارىن ەل بولىپ ەڭسەردىك. بىراق, ءدال وسىنداي قاراقشىلاردىڭ قاتىگەز ارەكەتىن كورگەن جوقپىز. ەلىنە, جەرىنە ادال قىزمەت ەتەتىن, ناعىز وتانشىل ازاماتتار مۇنداي وپاسىزدىققا بارمايدى. بۇل – انىق نارسە, – دەدى پرەزيدەنت.
سونداي-اق مەملەكەت باسشىسى جاعدايدى وزدەرىنىڭ جەكە مۇددەسىنە پايدالانعىسى كەلگەن ادامدار توڭكەرىس جاساۋعا تالپىنعانىن باسا ايتتى.
– فرانتسۋز تىلىندە وسىنداي ارەكەتتى coup d’etat دەپ ايتادى. بۇل – توڭكەرىس دەگەن ءسوز. ەلدىگىمىزگە, مەملەكەتتىك تۇتاستىعىمىزعا, حالقىمىزدىڭ قاۋىپسىزدىگىنە قارسى جاسالعان ارەكەت بولدى. ارينە, حالىققا ءالى دە كوپ نارسە تۇسىنىكسىز. قاراپايىم ازاماتتار وزدەرىنىڭ سۇيىكتى قالاسىن ءوز قولىمەن قيراتپايتىنى بەلگىلى. قاراقشىلار, لاڭكەستەر الماتىعا سىرتتان كەلدى. ماقسات بەلگىلى: كىسى ءولتىرۋ, قورقىتۋ, دۇكەندەردى توناۋ, ايەلدەردى زورلاۋ, اقىر سوڭىندا بيلىكتى قۇلاتۋ, – دەدى ول.
