بي فەستيۆالى وتكىزىلدى

وبلىستىق حالىق شىعارماشىلىعى ءۇيى وبلىستىق مادەنيەت, مۇراعاتتار جانە قۇجاتتاما باسقارماسىنىڭ قولداۋىمەن «عاجايىپ بالالىق» اتتى وبلىستىق بالالار  بي فەستيۆالىن وتكىزدى. فەستيۆالدى وتكىزۋدىڭ ماقساتى – بالالاردىڭ حورەوگرا­فيالىق قابىلەتتەرىن دامىتىپ, قولداۋ كورسەتۋ بولىپ تابىلادى. بي فەستيۆالىنىڭ اشىلۋ سالتاناتىندا وبلىستىق مادەنيەت, مۇراعاتتار جانە قۇجاتتاما باسقارماسى باسشىسىنىڭ ورىنباسارى قىدىرعالي ەرمۇقان  ءسوز سويلەپ, بالاۋسا بيشىلەرگە  شىعارماشىلىق تابىس تىلەدى. بي ونەرى سايىسىنا اقتوبە قالاسى جانە ايتەكە بي, ويىل, مارتوك, قوبدا اۋداندارىنىڭ 11 بي ۇجىمدارىنان  كىشى, ورتا, ەرەسەك توپتاردان تۇراتىن 200-دەن استام بالالار قاتىستى. بايگە  شارتى بويىنشا قاتىسۋشى بي ۇجىمدارى ەكى تاقىرىپتىق, سيۋجەتتىك بيلەرىن بيلەدى. قازىلار القاسى بي ۇجىمدارىن ورىن­داۋ­شىلىق شەبەرلىكتەرى, شىعارما­لارىنىڭ كومپوزيتسيالىق قۇرىلىمى مەن  ساحنالىق قيمىلى جانە كيىم ۇلگىسى بويىنشا باعالادى. جارىس قورىتىندىسىندا «ەڭ ۇزدىك بالا­لار ءبيى» اتالىمى بويىنشا كىشى توپتا وب­لىس­تىق حالىق شىعارماشىلىعى ءۇيىنىڭ «فرەسكي» بي ءانسامبلى,  ورتا توپتا اقتوبە قا­لا­لىق وقۋشىلار سارايىنىڭ «ەڭلىك» بي ان­سامبلى, «ەڭ ۇزدىك بي ۇجىمى» نوميناتسيا­سى بويىنشا ەرەسەك توپتا وبلىستىق بالالار مەن جاسوسپىرىمدەر شىعارماشىلىعى ورتا­لى­عىنىڭ «ايگولەك» بي ءانسامبلى, ويىل اۋ­دانى­نىڭ «اسەم» بي ءانسامبلى, «ەڭ ۇزدىك كوس­تيۋم» اتالىمى بويىنشا ەرەسەك توپتا قالا ماڭىنداعى ياسنوە اۋىلىنداعى اقتوبە ورتا مەكتەبىنىڭ «شاشۋ» بي ءانسامبلى, كىشى توپتا ايتەكە بي اۋدانىنىڭ «ناز-ەركە» بيشىلەر توبى جەڭىمپاز بولدى. جەڭىمپازدار مەن قاتىسۋشىلار ارنايى ديپلومدارمەن جانە اقشالاي  سىيلىقتارمەن ماراپاتتالدى. ساتىبالدى ءساۋىرباي, «ەگەمەن قازاقستان». اقتوبە وبلىسى.