«بۇگىن ۇشتوبە قالاسىنداعى «KazSilicon» مك» كاسىپورنىندا جۇمىس ساپارىمەن بولدىق. كوپتەگەن جىلدار بويى توقتاپ قالعان كاسىپورىننىڭ جاڭا يەلەرىمەن تەحنيكالىق كرەمني ءوندىرىسىن ىسكە قوسۋعا كەلىستىك. كاسىپورىن جاندانعان كەزدە 220-دان استام جۇمىس ورنى قۇرىلادى», دەپ جازدى قانات بوزىمباەۆ.
«KazSilicon» مەتاللۋرگيالىق كومبيناتى» جشس – قازاقستان اۋماعىنداعى مەتاللۋرگيالىق كرەمني وندىرەتىن العاشقى زاۋىت. ءوندىرىس 2006 جىلى ۇشتوبە قالاسىندا ىسكە قوسىلدى.
كومبينات شيكىزات رەتىندە زاۋىتتان 25 شاقىرىم جەردە ورنالاسقان ءوزىنىڭ «سارىكول» كەن ورنىنىڭ تالشىقتى كۆارتسىن پايدالانادى.
2011 جىلى «KazSilicon» مك» جشس جارعىلىق ۇلەسىنىڭ 100%-ىن «كAZPV قازاقستاندىق كرەمنيى نەگىزىندە فوتوەلەكترلىك مودۋلدەر ءوندىرىسىن قۇرۋ» ستراتەگيالىق ينۆەستيتسيالىق جوباسىن ىسكە اسىرۋ شەڭبەرىندە «قازاتومونەركاسىپ» ۇاك» اق ساتىپ الدى.
