«بايتەرەك» ۇلتتىق باسقارۋشى حولدينگى» اق اكتسيونەرىنىڭ شەشىمى بويىنشا رۋسلان ۆيكتوروۆيچ ىسقاقوۆ 16 اقپاننان باستاپ «قازاقستاننىڭ دامۋ بانكى» اق (قدب) باسقارما توراعاسى جانە ديرەكتورلار كەڭەسىنىڭ مۇشەسى بولىپ سايلاندى. ول بۇعان دەيىن حولدينگتىڭ ەنشىلەس ۇيىمى – «KazakhExport» ەكسپورتتىق ساقتاندىرۋ كومپانياسى» اق-نى باسقاردى», دەلىنگەن حابارلامادا.
«بايتەرەك» حولدينگىنىڭ باسقارما توراعاسى قانات شارلاپاەۆ ۇجىمعا قدب-نىڭ جاڭا باسشىسىن تانىستىردى.
«رۋسلان ۆيكتوروۆيچتىڭ قارجى ۇيىمدارىندا 18 جىلدان اسا جۇمىس تاجىريبەسى بار, التى جىل بويى كاzakhExport-تى باسقاردى جانە بۇگىننەن باستاپ قازاقستاننىڭ دامۋ بانكىنىڭ باسشىسى بولىپ تاعايىندالدى. ءىس-ارەكەتتەگى مەريتوكراتيا قاعيداتى تۋرالى ايتقىم كەلىپ وتىر: بانك نارىعىندا جانە ءبىزدىڭ حولدينگتە تابىستى جۇمىس ىستەگەن ادام ەندى ەڭ جوعارى پوزيتسيالاردىڭ بىرىنە جەتتى. ونى قولداپ, بىرگە تابىستى جۇمىس ىستەيسىزدەر دەپ سەنەمىن», دەدى ق.شارلاپاەۆ قدب ۇجىمىنا ارناعان سوزىندە.
