«بۇگىن ساعات 06:00-دە 102 وپەراتور پۋلتىنە اۆانگارد-3 شاعىن اۋدانىنداعى كوپ پاتەرلى ۇيلەردىڭ ءبىرىنىڭ 3-قاباتىندا ءورت شىققانى تۋرالى حابارلاما كەلىپ ءتۇستى. پاترۋلدىك پوليتسيا ەكيپاجىنىڭ قىزمەتكەرلەرى پوليتسيا اعا لەيتەنانتى جانىبەك ەلەمەسوۆ پەن پوليتسيا اعا لەيتەنانتى ەلامان تولەشوۆ ءورت شىققان پودەزدەن تۇرعىنداردى كوشىرۋگە دەرەۋ كىرىستى. ولار بەس قاباتتى ءۇيدىڭ ءار پاتەرىنىڭ ەسىگىن قاعىپ, 60-قا جۋىق تۇرعىننىڭ كوشەگە شىعۋىن قامتاماسىز ەتتى», دەپ حابارلادى وبلىستىق پوليتسيا دەپارتامەنتىنىڭ ءباسپاسوز قىزمەتى.
اتىراۋ وبلىسىنىڭ پوليتسيا دەپارتامەنتى تۇرعىندارعا ءورت قاۋىپسىزدىگى تالاپتارىن ساقتاۋ قاجەتتىگىن ەسكەرتەدى.
