ونىڭ ايتۋىنشا, قابىلدانۋعا ۇسىنىلعان زاڭ جوباسىندا «كىرىس پەن شىعىستىڭ سايكەس كەلمەگەن جاعدايدا جازا كوزدەلەدى» دەگەن تۇسىنا قاتىستى سۇراق قويدى.
«ياعني, سالىقتى ارتتىرۋ جانە اكىمشىلىك ايىپپۇل نەمەسە قىزمەتتەن بوساتۋ تاسىلدەرى قولدانىلماق. بۇل رەتتە كىرىس پەن شىعىس اراسىنداعى ايىرماشىلىق ءبىر مىڭ ايلىق ەسەپتىك كورسەتكىشتەن اسىپ كەتكەن جاعدايدا عانا ەسەپكە الىنادى. تۇبەگەيلى وزگەرىس ەنگىزۋ ءۇشىن كىرىس پەن شىعىس ايىرماشىلىعىنىڭ شەگىن تومەندەتۋ كەرەك دەپ ويلايمىن», دەيدى دەپۋتات.
سىبايلاس جەمقورلىققا قارسى ءىس-قيمىل اگەنتتىگىنىڭ باسشىسى مارات احمەتجانوۆتىڭ ايتۋىنشا, زاڭسىز ەمەس, نەگىزسىز بايۋمەن كۇرەسپەك.
«تابىس كولەمىنىڭ ارتۋى قىلمىستىق جولمەن جانە جەمقورلىق ارقىلى ارتقانى انىقتالسا, قىلمىستىق قۋدالاۋ كودەكسى بار. ءار اكتيۆتى قانداي قىلمىستىق جولمەن الدى, ونىڭ بارلىعىن تەرگەۋ بارىسىندا انىقتايمىز. كىرىس پەن شىعىس ايىرماشىلىعى نەگىزسىز بولسا, سونى تەكسەرۋ كەرەك. ءبىر ماسەلەنى شەشەمىز دەپ ەكىنشى ماسەلەنى تۋدىرماۋىمىز كەرەك. مىڭ تەڭگە ايىرماشىلىق ءۇشىن مەملەكەتتىك قىزمەتكەردى جۇمىستان قۋدالايتىن جاعدايعا جەتپەۋ كەرەك. «كوش جۇرە كەلە تۇزەلەدى», ارى قاراي قاجەت بولسا زاڭدى تولىقتىرامىز», دەيدى ول.
