8 اقپاندا مەملەكەت باسشىسى قاسىم-جومارت توقاەۆ قر يدم-گە 2022 جىلدىڭ مامىر ايىنا دەيىن قر باسەكەلەستىكتى قورعاۋ جانە دامىتۋ اگەنتتىگىمەن بىرلەسىپ قۇرىلىس نارىعىن مونوپولياسىزداندىرۋ جانە ونى باسەكەلى نەگىزدە دامىتۋ بويىنشا شارالار قابىلداۋدى تاپسىردى.
وسىعان بايلانىستى ۆەدومستۆولار سالانىڭ وسال تۇستارىن پىسىقتاپ, نەگىزگى 3 باعىت بويىنشا شارالاردى ايقىندادى. ولار:
- ۇلەستىك قۇرىلىسقا قاتىسۋدى رەتتەۋ;
- جەر بەرۋ جانە قۇرىلىس سالۋدى جوسپارلاۋ;
- مەملەكەتتىك ساتىپ الۋ راسىمدەرىن جەتىلدىرۋ.
«ازىرلەنگەن شارالاردى ىسكە اسىرۋ ءۇشىن تۇرعىن ءۇي قۇرىلىسىنا ۇلەستىك قاتىسۋ سالاسىنداعى تالاپتاردى قايتا قاراۋ, سونداي-اق جەر كودەكسىنە جانە مەملەكەتتىك ساتىپ الۋلار تۋرالى زاڭعا وزگەرىستەر ەنگىزۋ قاجەت», دەدى قر يندۋستريا جانە ينفراقۇرىلىمدىق دامۋ ءمينيسترى قايىربەك وسكەنباەۆ ۇكىمەت وتىرىسىندا.
وزگەرىستەر جەر ۋچاسكەلەرىن كونكۋرستان تىس بەرۋدى الىپ تاستاۋدى, زاڭنامانى اينالىپ وتۋگە تالپىناتىندار ءۇشىن جاۋاپتىلىقتى كۇشەيتۋ جانە ۇلەسكەرلەردىڭ قاراجاتىن زاڭسىز تارتۋدى انىقتاۋ ارقىلى ۇلەستىك قۇرىلىستاعى تالاپتاردى جەتىلدىرۋدى كوزدەيدى.
«مەملەكەتتىك ساتىپ الۋعا قاتىستى ايتساق, ماتەريالدىق رەسۋرستاردى كورسەتە وتىرىپ, تەندەر كەزەڭىندە جۇمىس ءوندىرىسى جوبالارىن ۇسىنۋ مىندەتتەمەسىن ەنگىزۋ; كونكۋرسقا قاتىسۋ ءۇشىن ساتىپ الۋدىڭ شەكتى سوماسىن بەلگىلەۋ, جۇمىستار مەن كورسەتىلەتىن قىزمەت تۇرلەرى بويىنشا تولەنگەن سالىق كورسەتكىشىن شەكتەۋ; سونداي-اق قوسالقى مەردىگەرلىككە قاتىستى ءوزارا قارىم-قاتىناستى اكىمشىلەندىرۋ, جاۋاپكەرشىلىكتى كۇشەيتۋ, بەرىلەتىن جۇمىستار كولەمىن شەكتەۋ جانە قوسالقى مەردىگەرلىك جۇمىستار قۇنى بويىنشا دەمپينگتى بەلگىلەۋ ۇسىنىلادى», دەدى مينيستر.
ونىڭ ايتۋىنشا, جاقىندا زاڭناماعا ەنگىزىلەتىن تۇزەتۋلەردىڭ ءتيىستى پاكەتى ازىرلەنەدى.
