بۇعان قول جەتكىزۋ بارىسىندا بالالاردىڭ جانجالدارعا قاتىسۋىنا بايلانىستى بالانىڭ قۇقىقتارى تۋرالى كونۆەنتسيانىڭ فاكۋلتاتيۆتىك حاتتاماسى كوپ كومەكتەسكەن. دەگەنمەن ءالى كۇنگە دەيىن كامەلەتتىك جاسقا تولماعاندار مەن جاس بالالار اسكەرگە الىنىپ, بارلاۋشى جانە سەكسۋالدى قۇل رەتىندە پايدالانىلىپ كەلەدى. «172 مەملەكەت راتيفيكاتسيالاعان فاكۋلتاتيۆتىك حاتتاما ارقىلى سوعىسقا بالالاردى تارتپاۋعا ۋاعدالاستىق. اتالعان ەلدەر 18 جاسقا تولماعانداردى اسكەري ارەكەتتەرگە قاتىستىرماۋعا ۋادە بەرگەن», دەلىنگەن بۇۇ باس حاتشىسىنىڭ بالالار جانە قارۋلى قاقتىعىس جونىندەگى ارنايى وكىلى مەن ادام قۇقىقتارى جونىندەگى كوميتەت مۇشەلەرىنىڭ بايانداماسىندا. الايدا بالالار ءالى كۇنگە دەيىن سوعىسقا قاتىسىپ كەلەدى. 2005 جىلدان باستاپ بالالار قۇقىقتارىنىڭ بۇزىلۋ فاكتىلەرىنىڭ ۇشتەن بىرىندە ولاردىڭ اسكەرگە اكەتىلۋى مەن جىنىستىق قۇلدىققا, جانسىز جانە ءۇي قىزمەتشىسى رەتىندە پايدالانىلعان. 2005 جىلدان باستاپ سوعىس ارەكەتتەرىنە 93 مىڭ بالا قاتىسقان.
