تۇرعىندار كارىز جۇيەسى, جول, جارىقتاندىرۋ, اباتتاندىرۋ سەكىلدى ماسەلەلەردى قوزعادى.
بۇگىنگى كەزدەسۋ بارىسىندا ساۋلە شاعىن اۋدانىندا گۇلزار سالىناتىنى بەلگىلى بولدى. شاعىن اۋداندا 2,5 گەكتار جەرگە گۇلزار سالۋ ماقساتىندا جسق ازىرلەنۋدە. ال, ناۋرىز شاعىن اۋدانىنداعى كارىز جۇيەسىنەن كەيىنگى قازىلعان جولدى اسفالتتاۋ ماسەلەسى بيىل شەشىلەدى.
تەكەسۋ تۇرعىندارى اسفالت جول, اۋىز سۋ ماسەلەسىمەن كەلگەن. شاھار باسشىسى وسى جىلعا 3 كوشەگە (كولدى, اقساي كوشەلەرى) ۇزىندىعى 1,6 شاقىرىم اسفالت توسەۋگە ۇسىنىس بەرىلگەنىن, اۋىز سۋ جۇيەسىمەن قامتاماسىز ەتۋ ماقساتىندا جسق ازىرلەنىپ, بيۋدجەتكە ۇسىنىلعانىن ايتتى.
195 ورامداعى كوشەلەرگە اسفالت توسەپ بەرۋدى سۇراعان تۇرعىنعا – بيىل اقجايقىن, قىزىلتاس, جالاۋلى, اتاۋى جوق كوشە №1, قاراعاندى كوشەلەرىنە جالپى ۇزىندىعى اسفالت توسەۋ جۇمىستارى جۇرگىزىلەتىنىن جەتكىزدى.
اقتاس ەلدى مەكەنىندە اۋىز سۋ بويىنشا ابونەنتتەۋ جۇمىستارى جۇرگىزىلۋدە. مۇندا اۋىز سۋمەن قاتار تابيعي گاز ماسەلەسى دە جىل سوڭىنا دەيىن شەشىمىن تابادى.
م.ايتەنوۆ وسىنداي كەزدەسۋلەر كەزىندە ءبىرىنشى كەزەكتەگى شەشىلۋى ءتيىس ماسەلەنى اشىق تالقىلاپ, جۇمىستى بىرلەسە جۇرگىزۋدىڭ ارتىقشىلىعىنا توقتالدى. ەلدى مەكەننىڭ اتىنان جاۋاپكەرشىلىك ارقالاپ كەلگەن بەلسەندىلەرگە العىسىن ءبىلدىردى.
