حالىقارالىق «تۇركسوي» ۇيىمىنىڭ ۇيىمداستىرۋىمەن وتەتىن شاراعا قازاقستان, قىرعىزستان, وزبەكستان, ءازىربايجان, تۇركىمەنستان جانە تۇركيا ەلدەرىنەن عالىمدار قاتىسادى.
جيىندا اتالعان ۇيىمنىڭ قولداۋىمەن باسىلىپ شىققان سەرىكباي وسپان ۇلىنىڭ «ۇلت ۇستازى» كىتابىنىڭ تۇساۋى كەسىلىپ, احمەت بايتۇرسىن ۇلى تۋرالى دەرەكتى فيلم قاتىسۋشىلار نازارىنا ۇسىنىلادى.
ءىس-شارا 16 اقپان كۇنى ستامبۇل قالاسىنداعى «ستامبۇل» ۋنيۆەرسيتەتىندە جالعاسادى.
قر-نىڭ حالىقارالىق «تۇركسوي» ۇيىمىنداعى وكىلى باقىتجان ومار تۇركيا ەلىندەگى قانداستاردى احمەت بايتۇرسىن ۇلىنىڭ ءومىرى مەن ەڭبەگىن دارىپتەۋگە ارنالعان جيىنعا قاتىسۋعا شاقىردى.
ايتا كەتەيىك, الاش ارىسىنىڭ مەرەيتويىنا ارنالعان شارا العاش رەت حالىقارالىق دەڭگەيدە ۇيىمداستىرىلىپ وتىر.
