ۆاك اقپاراتى بويىنشا, ەندى قازاقستاندىقتارعا 15 تاۋلىكتە ءبىر رەت قۇرلىقتاعى وتكىزۋ پۋنكتتەرى ارقىلى شەكارادان وتۋگە رۇقسات ەتىلگەن.
بۇل كەزەڭدىلىك رەسپۋبليكانىڭ كەلەسى ازاماتتارىنا قولدانىلمايدى:
- ەلدىڭ ديپلوماتيالىق قىزمەتىنىڭ پەرسونالى جانە ولاردىڭ وتباسى مۇشەلەرى (جۇبايلارى, اتا-انالارى جانە بالالارى);
- شەت مەملەكەتتەردىڭ شاقىرۋى جانە قازاقستان ۇكىمەتىنىڭ كەلىسىمى بويىنشا شەتەلگە جىبەرىلەتىن قر رەسمي دەلەگاتسيالارىنىڭ مۇشەلەرى;
- شەت مەملەكەتتەردىڭ اۋماعىندا ورنالاسقان قر مۇشەسى بولىپ تابىلاتىن حالىقارالىق ۇيىمداردىڭ قىزمەتكەرلەرى مەن ولاردىڭ وتباسى مۇشەلەرى (جۇبايلارى, اتا-انالارى جانە بالالارى);
- قر ۇكىمەتارالىق فەلدەگەرلىك بايلانىس قىزمەتكەرلەرى;
- پوەزدىق جانە لوكوموتيۆ بريگادالارىنىڭ, اۋە جانە تەڭىز كەمەلەرى ەكيپاجدارىنىڭ مۇشەلەرى جانە تەمىر جول تاسىمالداۋ پروتسەستەرىنە, جۇكتەردى, پوەزداردى قابىلداۋ, تاپسىرۋ جانە ولاردى الىپ ءجۇرۋ جونىندەگى وپەراتسيالارعا قاتىساتىن ادامدار;
- قر اۋماعىنداعى شەتەلدىك ترانسشەكارالىق قۇرىلىستارعا قىزمەت كورسەتۋشى پەرسونال جانە شەكتەس مەملەكەتتەر اۋماعىنداعى قازاقستاندىق ترانسشەكارالىق قۇرىلىستارعا قىزمەت كورسەتۋشى پەرسونال;
- شەتەلگە ەمدەلۋگە شىعاتىندارعا دەنساۋلىق ساقتاۋ مەكەمەلەرىنىڭ راستايتىن قۇجاتتارىن كورسەتكەن كەزدە (كەمىندە ەكى ەرەسەك ادامنىڭ ىلەسىپ جۇرۋىمەن);
- جەرلەۋگە بارا جاتقان وتباسى مۇشەلەرى مەن جاقىن تۋىستارىن (جۇبايلارى, اتا-انالارى, بالالارى, اسىراپ الۋشىلارى, اسىراپ الىنعان بالالارى, اتا-اناسى ءبىر جانە اتا-اناسى بولەك اعا-ىنىلەرى مەن اپا-سىڭلىلەرى, اتاسى, اجەسى, نەمەرەلەرى), سونداي-اق ولارمەن بىرگە كەلە جاتقان وزدەرىنىڭ جۇبايلارى مەن كامەلەتكە تولماعان بالالارىن جانە قايتىس بولعان وتباسى مۇشەلەرى مەن جاقىن تۋىستارىنىڭ ءمايىتىن جەرلەۋ ورنىنا بىرگە الىپ جۇرەتىن ادامداردى جەرلەۋ;
- اۋىر ناۋقاس وتباسى مۇشەلەرى مەن جاقىن تۋىستارىن (ەرلى-زايىپتىلار, اتا-انالار, بالالار, اسىراپ الۋشىلار, اسىراپ الىنعاندار, اتا-اناسى ءبىر جانە اتا-اناسى بولەك اعا-ىنىلەرى مەن اپا-سىڭلىلەرى, اتاسى, اجەسى, نەمەرەلەرى), سونداي-اق ولارمەن بىرگە جۇرەتىن ەرلى-زايىپتىلار مەن كامەلەتكە تولماعان بالالاردى باعىپ-كۇتۋگە كەتەتىن ادامدار;
- سونداي-اق ولاردىڭ قر-دان شەتەلگە شىعۋى ءۇشىن وقۋ ۆيزالارىن ۇزارتۋ, ستۋدەنتتەردىڭ ID-كارتالارىن رەسىمدەۋ, ەمتيحاندار تاپسىرۋ ءۇشىن قاجەتتى قۇجاتتاردى ۇسىنادى. ەگەر كەتەتىن ادام كامەلەتكە تولماعان بولسا, ونىڭ اتا-اناسىمەن بىرگە جۇرۋىنە رۇقسات ەتىلەدى;
- ەڭبەك قىزمەتىن جۇزەگە اسىرۋ ماقساتىندا شەتەلگە شىعاتىندار ءۇشىن;
- مەملەكەتتىك شەكارادان وتۋگە جانە ەۆاكۋاتسيالىق رەيستەرگە رۇقسات ەتىلگەن ادامداردى تاسىمالداۋدى جۇزەگە اسىراتىن جۇرگىزۋشىلەر;
- حالىقارالىق جۇك تاسىمالدارىن ء(بىر جۇك كولىك قۇرالىنا ەكى جۇرگىزۋشىدەن ارتىق ەمەس), جاسالعان كەلىسىمشارتتار شەڭبەرىندە اۆتوموبيل جانە ارنايى كولىك جەتكىزۋدى جۇزەگە اسىراتىن جۇرگىزۋشىلەر مەن اۋىل شارۋاشىلىعى قىزمەتىن جۇزەگە اسىراتىن جۇك يەلەرى-قۇجاتتاردى ۇسىنعان كەزدە;
- ەكستراديتسيالاۋ تارتىبىمەن قابىلداناتىن ىزدەۋدەگى جانە سوتتالعان قر ازاماتتارىن;
- تەڭىز كەمەلەرى ەكيپاجدارىنىڭ مۇشەلەرى;
- قازاقستاننان باسقا مەملەكەتكە تۇراقتى تۇرۋعا كەتەتىن نەمەسە يمميگراتسيالىق ۆيزالارى بار ازاماتتار.
بۇعان دەيىن قازاقستاندىقتارعا 30 كۇندە ءبىر رەت قۇرلىقتاعى وتكىزۋ پۋنكتتەرى ارقىلى شەكارادان وتۋگە رۇقسات ەتىلگەن بولاتىن.
تولىعىراق مىنا سىلتەمە ارقىلى كورە الاسىزدار.
