بەيجىڭدەگى وليمپيادا ويىندارى بارىسىندا عالامنىڭ ءار تۇسىنان جينالعان سپورتشىلار وزدەرىنىڭ مىقتىلىعىن دالەلدەپ قانا قويماي, كەيبىر سپورت تۇرلەرىنەن رەكوردتار ورناتۋدا.
مەدالدار كەستەسى كۇن سايىن جاڭارۋدا. قورجىندارىن مەدالمەن تولىقتىرىپ جاتقان مەملەكەتتەر سانى دا كوبەيىپ كەلەدى.
سوڭعى ەكى كۇننەن بەرى گەرمانيا التىن مەدالدار بويىنشا تىزىمدە كوش باستاپ تۇر. گەرمانيا سپورتشىلارى 6 التىن, 3 كۇمىس جۇلدە يەلەندى.
ەكىنشى ورىنعا 5 التىن, 3 كۇمىس, 4 قولا مەدال ەنشىلەگەن نورۆەگيا قۇراماسى جايعاستى.
ۇشتىكتى كەشە عانا جالپى ەسەپتە 6-شى ورىندا تۇرعان اۆستريا قۇراماسى جاپتى.
مەدالدار كورسەتكىشىمەن ۇزدىك وندىقتا تۇرعان ەلدەر:
1. گەرمانيا - 6 التىن, 3 كۇمىس;
2. نورۆەگيا - 5 التىن, 3 كۇمىس, 4 قولا;
3. اۆستريا - 4 التىن, 5 كۇمىس, 4 قولا;
4. اقش - 4 التىن, 5 كۇمىس, 1 قولا;
5. نيدەرلاندى - 4 التىن, 3 كۇمىس, 1 قولا;
6. شۆەسيا - 4 التىن, 1 كۇمىس, 2 قولا;
7. قىتاي - 3 التىن, 3 كۇمىس;
8. يتاليا - 2 التىن, 4 كۇمىس, 2 قولا;
9. رەسەي - 2 التىن, 3 كۇمىس, 6 قولا;
10. سلوۆەنيا - 2 التىن, 1 كۇمىس, 2 قولا.
وكىنىشكە قاراي, قازاقستان قورجىنىنا ءبىر دە ءبىر مەدال تۇسكەن جوق.
