كوروناۆيرۋس • 10 اقپان، 2022

الماتىدا 100 جاستاعى كەيۋانا ىندەتتەن جازىلىپ شىقتى

80 رەت كورسەتىلدى

الماتى قالاسىنداعى ي.جەكەنوۆ اتىنداعى كلينيكالىق جۇقپالى اۋرۋلار اۋرۋحاناسىنا ءبىزدىڭ عاسىر جاساعان كەيىپكەرىمىز 5 اقپان كۇنى  جوتەلمەن، اۋىر حالدە تۇسكەن بولاتىن. دارىگەرلەردىڭ ايتۋىنشا، ءالى جوق ناۋقاس بىردەن ينتەنسيۆتى تەراپيا بولىمشەسىندە ەم الىپ، دەنساۋلىعى جاقسارعان.

«مەنى ەمدەپ، قولداۋ بىلدىرگەن بارلىق اق حالاتتى ابزال جاندارعا راحمەتىمدى ايتامىن، اينالايىندار! ءومىر جاستارىڭ ۇزاق بولسىن! مەنىڭ جاسىمدى بەرسىن، ءاۋمين! ەلىمىز تىنىش بولىپ، كوركەيە بەرسىن»، دەپ باتاسىن بەردى ۇيىنە قايتىپ بارا جاتقان 100 جاستاعى كەيۋانا دامەش قاراتاەۆا.

«ناۋقاسقا كوروناۆيرۋستىق ينفەكتسياسى دياگنوزى قويىلىپ، وكپەسى زاقىمدانعان كەزدە اۋرۋحاناعا ءتۇستى. اۋرۋدى جەڭۋدەگى باستى ءجايت – اجەيدىڭ ومىرگە دەگەن قۇشتارلىعى بولدى»، دەيدى ي.جەكەنوۆ اتىنداعى كلينيكالىق جۇقپالى اۋرۋلار اۋرۋحاناسىنىڭ 1 ساناتتى دارىگەرى دانيا ناسىربەكوۆا.

«اجەمىز 1 اپتا بويى جوتەلىپ قويماعان سوڭ، ۋايىمداپ، كت اپپاراتىنا تۇسىردىك. وكپەسى 25% زاقىمدانعان. ءوزىم دارىگەر بولعان سوڭ باسقا بارىگەرلەرمەن كەڭەسىپ، جەدەل تۇردە اۋرۋحاناعا جاتقىزدىق. تەلەفونمەن سويلەسكەن كەزدە جاعدايىنىڭ جاقسارعانىن بايقادىم. اجەمىزدىڭ قانشاما نەمەرەلەرى، شوبەرە، شوپشەكتەرى بار، ءبارى دە اق حالاتتى جاندارعا العىستارىن ايتىپ جاتىر»، دەدى دامەش قاراتاەۆانىڭ نەمەرەسى نۇربول جۇمابەكوۆ.

ايتقانداي، دامەش اجە ءوزىنىڭ 100-گە كەلگەن تۋعان كۇنىندە اۋرۋحانادان شىعىپ وتىر. قوس قۋانىشى قاتار كەلگەن كەيۋانانى اۋرۋحانا ماماندارى گۇل شوقتارى مەن سىيلىقتارىن بەرىپ، شىعارىپ سالدى. ال اسىل اجەسىنىڭ شاڭىراقتارىنا ورالعانىنا جاقىندارى اۋرۋحانا اكىمشىلىگىنە زور العىستارىن ايتادى، دەپ حابارلايدى الماتى قالاسى قوعامدىق دەنساۋلىق باسقارماسىنىڭ  ءباسپاسوز قىزمەتى. 

 

الماتى

سوڭعى جاڭالىقتار

اقجايناق استانا

ەلوردا • كەشە

ديماش پەن دجەكسون

ونەر • كەشە

ۇقساس جاڭالىقتار