دەپۋتات بۇل ماسەلەنى قاڭتار ايىندا بولعان قايعىلى وقيعادان كەيىن مەملەكەت باسشىسى دا پارلامەنت ءماجىلىسىنىڭ وتىرىسىندا سويلەگەن سوزىندە كوتەرگەنىن اتاپ ءوتتى. سەناتور جولداعان دەپۋتاتتىق ساۋالىندا جاستاردىڭ مەرزىمدى اسكەري قىزمەت وتكەرۋگە دەگەن ىنتاسى جوق ەكەنىن ايتادى.
«ماسەلەن, 2021 جىلى جەرگىلىكتى اسكەري باسقارۋ ورگاندارىندا 215 مىڭ 105 ادام مەرزىمدى اسكەري قىزمەتكە شاقىرىلۋعا ءتيىس بولىپ, ونىڭ ىشىنەن قارۋلى كۇشتەرگە جانە باسقا دا اسكەرلەر مەن اسكەري قۇرىلىمدارعا – 32 مىڭ 064 ادام شاقىرىلدى. قالعان 183 مىڭ 041 ادام نەمەسە اسكەرگە شاقىرۋعا جاتاتىن جاستاردىڭ 85%-ءى تۇرلى سەبەپتەر بويىنشا اسكەرگە شاقىرۋدان كەيىنگە قالدىرىلدى نەمەسە تولىعىمەن بوساتىلدى», دەپ ءتۇسىندىردى دەپۋتات.
وسىعان وراي, سەناتور ۇكىمەتكە اسكەرگە شاقىرۋ-ەسەپكە الۋ جۇمىسىنىڭ ساپاسىن جاقسارتۋ جانە جاستاردى اسكەري بورىشىن ورىنداۋعا ىنتالاندىرۋ ءۇشىن بىرقاتار ناقتى ۇسىنىستار جىبەردى.
«مەرزىمدى اسكەري قىزمەت وتكەرگەن جاستارعا قابىلداۋ ەمتيحاندارىن تاپسىرۋ كەزىندە قوسىمشا بالدار بەرۋگە, مەرزىمدى اسكەري قىزمەت وتكەرۋ كەزەڭىندە تەحنيكالىق جانە ينجەنەرلىك-قۇرىلىس ماماندىقتارى بويىنشا وقىتۋدى ودان ءارى جۇمىسقا ورنالاستىرۋ ءۇشىن ۇيىمداستىرۋعا بولادى», دەپ قوستى دەپۋتات.
