ايماقتىق مangystaumedia.kz سايتىندا كەيبىر ايتۋلى مەرەكەلەرگە سىياقى تولەۋ سۇراقتارى شەشىمىن تاپقانى جايلى حابارلانعان.
ت. ەسەنتۇگەلوۆ ءوز ۇندەۋىندە جۇمىسشىلاردىڭ كوتەرگەن ماسەلەسى الداعى ۋاقىتتا قارالاتىنىن تىلگە تيەك ەتتى.
«سوڭعى 2 كۇن «ماەك-كازاتومونەركاسىپ» جشس ءۇشىن وڭاي بولعان جوق. ءوندىرىس سالاسىنداعى جۇمىسشىلار تاراپىنان ايتىلعان جىلدار بويى قوردالانعان ماسەلەلەردى ءبىر كۇندە شەشۋ مۇمكىن ەمەس. وسىعان وراي الداعى ۋاقىتتا وسى ماسەلەلەردى تولىقتاي شەشۋ باعىتىنداعى جۇمىستار ەنەرگەتيكا مينيسترلىگى, ماڭعىستاۋ وبلىسىنىڭ اكىمدىگىمەن بىرلەسە وتىرىپ شەشىلەتىن بولادى», دەدى ول.
سونداي-اق ۇندەۋدە كاسىپورىن باسشىلىعى بارلىق قىزمەتكەرلەرگە ءوز جۇمىس ورنىنا ورالۋدى ۇسىنادى.
«ۋادە ەتىلگەندەي, ەشكىم ءوز تالاپتارى ءۇشىن قۋدالانبايدى. بۇدان باسقا, مۇنداي قولايسىز قاتىناستاردى بولدىرماۋ ءۇشىن باسشىلىق پەن وندىرىستىك پەرسونال اراسىندا تۇراقتى تىكەلەي بايلانىس ورناتۋ جوسپارلانۋدا», دەدى ت. ەسەنتۇگەلوۆ.
ەسكە سالا كەتسەك, جاقىندا «ماەك-كازاتومونەركاسىپ» جشس قىزمەتكەرلەرى ەڭبەكاقىنى 100% ارتتىرۋ, مەملەكەتتىك مەرەكەلەرگە سىياقى تاعايىنداۋ جانە تاعى باسقا ەڭبەك جاعدايلارىن جاقسارتۋ ماسەلەلەرى بويىنشا ميتينگكە شىعىپ, جۇمىستى توقتاتقان بولاتىن.
