ايتكەنمەن, نەپال ۇكىمەتى سوڭعى جىلدارى قىتايمەن بايلانىسىن جاقسارتىپ, ونىڭ وڭتۇستىگىندەگى كورشىسى ۇندىستانمەن دە قارىم-قاتىناسىن رەتتەگەن بولاتىن.
بۇل جاعداي بەيجىڭمەن اراداعى بايلانىستارعا قىسىم كورسەتۋى مۇمكىن. نەپال مەن قىتاي اراسىنداعى شەكارا گيمالاي تاۋلارىنىڭ بويىمەن شامامەن 1400 شاقىرىمدى باسىپ وتەدى. بۇل 1960 جىلداردىڭ باسىندا ەكى ەل اراسىندا قول قويىلعان بىرقاتار كەلىسىمدەردە ايتىلدى.
نەپال ۇكىمەتى قىتايدىڭ ىقتيمال قول سۇعۋى جايلى حابارلامالاردان كەيىن حۋملاعا پوليتسيا مەن ۇكىمەت وكىلدەرىنەن قۇرالعان جۇمىس توبىن جىبەرۋگە شەشىم قابىلدادى. كەيبىر دەرەكتەرگە سەنسەك, قىتاي شەكارانىڭ نەپال جاعىندا بىرقاتار عيماراتتار تۇرعىزدى دەسەدى.
تاريحقا زەر سالساق, كەيبىر بەيرەسمي ترانسشەكارالىق تاسىمالدار, سونىڭ ىشىندە قاجىلار مەن ساۋداگەرلەر وسى جولمەن وتكەن. بىراق قىتاي بۇل قوزعالىستى بىرتىندەپ شەكتەدى.
قازىر كاتماندۋ اناليتيكالىق ورتالىعىندا جۇمىس ىستەيتىن نەپالدىڭ بۇرىنعى ديپلوماتى ۆيجاي كانت كارنا «بەيجىڭ ءوزىنىڭ شەكارالاس پروبلەمالارى بار ايماقتىق قارسىلاسى ۇندىستانعا الاڭداۋى مۇمكىن» دەگەندى العا تارتىپ وتىر.
اسەل جيگيتوۆا,
ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتىنىڭ ستۋدەنتى.
