«ۇلتتىق ەنەرگەتيكالىق جەلىنى جاڭعىرتۋدىڭ جاڭا جوباسى نەگىزگى جوبالاردىڭ ءبىرى بولۋى كەرەك. بۇل جەلىلەرگە جاڭا قۋات كوزدەرىن قوسۋ ءۇشىن قاجەت دۇنيە. ونىڭ ىشىندە جاڭارتىلاتىن قۋات كوزدەرى دە بار. اتاپ ايتساق, قازىردىڭ وزىندە ەلەكتر ەنەرگياسىن ءوندىرۋ جانە تۇتىنۋ بالانسىنىڭ بولجامىنا قاراپ وتىرىپ, ەلدىڭ وڭتۇستىگىندە ءىرى قۋات كوزىن ىسكە قوسۋ كەرەكتىگى قازىردىڭ وزىندە بايقالىپ وتىر», دەدى قوردىڭ باسقارما توراعاسى.
سونداي-اق ول بۇل ماسەلەنى جاسىل تەحنولوگيا ەسەبىنەن شەشۋ ءتيىمدى ەكەنىن جەتكىزدى.
«كۇن تارتىبىندە جاسىل تەحنولوگيالار تۇرعانىن ەسكەرسەك, ءبىزدىڭ كوزقاراسىمىز بويىنشا اتوم ەلەكتر ستانساسىن سالۋ اناعۇرلىم ءتيىمدى شەشىم بولادى», دەدى «سامۇرىق-قازىنا» باسشىسى.
