«بيىل 17,3 ملن شارشى مەتر تۇرعىن ءۇيدى نەمەسە 160 مىڭ تۇرعىن ءۇيدى پايدالانۋعا بەرۋ جوسپارلانىپ وتىر. كەزەكتە تۇرعان 70 مىڭ ادامنىڭ ماسەلەسىن شەشۋ ءۇشىن جەكە تۇرعىن ءۇي قورىنداعى جالعا بەرىلەتىن تۇرعىن ءۇي ءۇشىن تولەمنىڭ ءبىر بولىگىن سۋبسيديالاۋ تەتىگى ەنگىزىلەتىن بولادى», دەدى ءاليحان سمايىلوۆ.
پرەمەر-مينيستر ەكونوميكاعا مەملەكەتتىڭ قاتىسۋىن قىسقارتۋ ماقساتىندا مەملەكەتتىك جانە كۆازيمەملەكەتتىك سەكتورلاردىڭ باسەكەلەستىك ورتاعا بەرۋگە جاتاتىن اكتيۆتەرىن ىرىكتەۋدىڭ نەعۇرلىم ناقتى كريتەريلەرى ايقىندالعانىن اتاپ ءوتتى.
«بۇل شەشىم قابىلداۋدىڭ اشىقتىعىن قامتاماسىز ەتەدى. تيىمدىلىكتى جانە جالپى الەۋمەتتىك-ەكونوميكالىق قايتارىمدى ارتتىرۋ ءۇشىن مەملەكەت ءۇشىن «سامۇرىق-قازىنا» ۇاق» اق مەن «بايتەرەك» ۇبح-نى تۇبەگەيلى رەفورمالاۋ كوزدەلگەن», دەپ قوستى ءاليحان سمايىلوۆ.
