«قۇقىق قورعاۋ سالاسىندا «قادامدىق قولجەتىمدىلىكتەگى پوليتسيا» قاعيداتىن ىسكە اسىرۋ بويىنشا جۇمىس جالعاسادى. قۇقىق قورعاۋ ورگاندارى قىزمەتكەرلەرى مەن اسكەري قىزمەتشىلەردىڭ ماتەريالدىق-تەحنيكالىق جاراقتاندىرىلۋ دەڭگەيى مەن قۇقىقتىق قورعالۋ دارەجەسى ارتاتىن بولادى», دەدى ءاليحان سمايىلوۆ.
سونداي-اق ونىڭ ايتۋىنشا, ازاماتتىق قورعاۋ ورگاندارىن ءورت, جەدەل-قۇتقارۋ جانە مامانداندىرىلعان تەحنيكا مەن جابدىقتارمەن جاراقتاندىرۋ كۇشەيتىلەدى. جاڭادان قۇرىلاتىن ورتكە قارسى ينفراقۇرىلىم وبەكتىلەرى مەن سۋدا قۇتقارۋ ستانتسيالارىنىڭ شتات سانى ۇلعايادى.
«حالىقتى تابيعي توتەنشە جاعدايلاردان قورعاۋدى قامتاماسىز ەتۋ ءۇشىن قورعانىس قۇرىلىستارى مەن سەل ۇستايتىن بوگەتتەر سالىنادى, سونداي-اق وزەن ارنالارىن تازارتۋ كوزدەلەدى», دەپ قوستى ءاليحان سمايىلوۆ.
