ء«دىن جانە ەتنوسارالىق قاتىناستار سالاسىندا ينتەرنەت-كەڭىستىكتە, اسىرەسە جاستار اراسىندا ءدىني ەكسترەميزمنىڭ الدىن الۋ جانە وعان قارسى ءىس-قيمىل بويىنشا جۇمىس جالعاسادى», دەدى ءاليحان سمايىلوۆ.
اتاپ ايتقاندا, تىلدىك جانە ەتنيكالىق بەلگىلەرى بويىنشا ار-نامىسى مەن قادىر-قاسيەتىن قورلاۋدىڭ كەز كەلگەن نىساندارىنا جول بەرمەۋ جونىندەگى شارالار كەشەنى ىسكە اسىرىلاتىن بولادى. مەملەكەتتىك ءتىلدى ۇيرەنۋدى جانە پاتريوتيزمگە تاربيەلەۋدى تانىمال ەتۋ ماقساتىندا اعارتۋشىلىق جانە الەۋمەتتىك جوبالار ازىرلەنەدى.
«ورتالىق جانە جەرگىلىكتى مەملەكەتتىك ورگانداردىڭ اشىقتىق دەڭگەيىن ارتتىرۋ ءۇشىن ولاردىڭ باق-پەن جۇمىسىن باعالاۋدىڭ جاڭا كريتەريلەرى ەنگىزىلەدى», دەدى ءاليحان سمايىلوۆ.
