ول بۇگىنگى تاڭدا اقپاراتتىق كەڭىستىكتە قاڭتار ايىندا بولعان وقيعانى بۇرمالاۋ بايقالاتىنىن تىلىنە تيەك ەتتى.
«ەلىمىزدە بولعان ميتينگىلەردىڭ بەيبىت سيپاتى مەن قۇقىق قورعاۋ ورگاندارىنىڭ زاڭسىز ارەكەتتەرى ءجيى كورىنىس تاۋىپ جاتىر. مۇنىڭ ءبارى بيلىك قابىلداعان شەشىمدەردىڭ بەدەلىن ءتۇسىرۋ, ەڭ باستىسى تارتىپسىزدىكتەردى ۇيىمداستىرۋشىلار مەن قاتىسۋشىلار جاۋاپكەرشىلىكتەن قاساقانا جالتارۋى ءۇشىن جاسالعان قادام ەكەنى راس. وتانداستارىمىز مۇنىڭ قوعامدىق سانانى مانيپۋلياتسيالاۋعا باعىتتالعان ماقساتتى اقپاراتتىق جاعداي ەكەنىن تۇسىنگەندەرى ءلازىم», دەدى سانجار ءادىلوۆ ورتالىق كوممۋنيكاتسيالار قىزمەتىندە وتكەن ءباسپاسوز ءماسليحاتىندا.
ول ازاماتتاردان تەك رەسمي, تەكسەرىلگەن اقپارات كوزدەرىنە سەنۋدى ءوتىندى. جالعان اقپارات تاراتۋعا بولمايتىنىن اتاپ ءوتتى.
