«ول ءۇشىن 1 ملرد تەڭگە كولەمىندە قارجىلاندىرۋ ءبولىندى. وسىلايشا, كىشى تالدىكولدەگى سۋ بالانسىن ساقتاي وتىرىپ, رەكرەاتسيالىق ايماق قۇرۋ بويىنشا جوبالاۋ-سمەتالىق قۇجاتتاما ازىرلەنۋدە. كىشى تالدىكولدەگى ەكوپارك جوباسى (ە-10 كوشەسى, «زەلەنىي كۆارتال» تك قاراما-قارسى) سۋ قويماسىن اباتتاندىرۋدى قاراستىرادى: سۋ قويماسىنىڭ بويىندا سۋدىڭ تابيعي ءسۇزىلۋىن جانە قاجەتتى ەكوجۇيەنى قۇرۋعا مۇمكىندىك بەرەتىن تاس جاعالاۋ بولادى. سونداي-اق, سۋ دەڭگەيىن قامتاماسىز ەتۋ جانە وتتەگىمەن بىركەلكى قانىقتىرۋ ءۇشىن بيودرەناجدىق جۇيەنى ۇيىمداستىرۋ جانە سۋ قويماسىن اەراتسيالاۋ قاراستىرىلعان», دەلىنگەن قالالىق اكىمدىكتىڭ Instagram پاراقشاسىندا جاريالانعان حابارلامادا.
سونىمەن قاتار, ەكوپاركتا سەرۋەندەۋ ينفراقۇرىلىمى پايدا بولادى: جاعالاۋداعى سۋلى-باتپاقتى جەرلەردە تەرراسسالىق جاعالاۋ ساقتالادى جانە فلورا مەن فاۋناسى بار ەكوكليمات ءۇشىن جاعداي جاسالادى.
اكىمدىكتىڭ مالىمەتىنشە, تالدىقولدىڭ وزىندە ءوزىنىڭ ەكولوگيالىق ينفراقۇرىلىمى بولادى. ۇلكەن تالدىكول كولىنىڭ جانىندا قورىق جانە ورمان-ساياباق ايماعى بار ەلىمىزدەگى العاشقى تابيعي پارك پايدا بولادى.
ۋربانيستيكا ورتالىعىنىڭ بازاسىندا, سونداي-اق ەسىل اۋدانىنىڭ اكىمدىگىندە ساۋلەت, قالا قۇرىلىسى جانە جەر قاتىناستارى باسقارماسىنىڭ جانە قورشاعان ورتانى قورعاۋ جانە تابيعاتتى پايدالانۋ باسقارماسىنىڭ باسشىلارى كىشى تالدىكولدىڭ ماسەلەسى بويىنشا ەكوبەلسەندىلەرمەن, ەكولوگتارمەن جانە بەلسەندى تۇرعىندارمەن بىرنەشە رەت كەزدەسۋلەر وتكىزدى.
