مەملەكەت باسشىسىنىڭ تاپسىرماسى بويىنشا 2020 جىلى قازاقستاندا «وقيتىن مەكتەپ» جوباسى باستالدى. وعان بىرقاتار شارالار كىرەدى, اتاپ ايتقاندا: مەكتەپ كىتاپحانالارىن كوركەم ادەبيەتپەن قامتاماسىز ەتۋ, وقۋشىلاردى وقۋعا تارتۋ ءۇشىن ءىس-شارالار وتكىزۋ, كىتاپحانالاردا قولايلى جاعداي جاساۋ, كىتاپحانالاردى جوندەۋ جانە جابدىقتاۋ, كىتاپحاناشىلاردىڭ بىلىكتىلىگىن ارتتىرۋ.
سونىمەن قاتار, بارلىق مەكتەپتەردە كۇندەلىكتى 20 مينۋتتىق مىندەتتى كىتاپ وقۋ ەنگىزىلگەن.
سونداي-اق, مەكتەپ كىتاپحانالارىنىڭ جانىنان كوۆوركينگ-ورتالىقتار قۇرىلۋدا. ەلىمىزدە بارلىعى 440 كوۆوركينگ-ورتالىق جۇمىس ىستەيدى.
قازاقستاندىق جوعارى وقۋ ورىندارىنىڭ كىتاپحانالارى اۆتوماتتاندىرىلىپ, قايتا جابدىقتالادى. بۇل باعىتتاعى بەلسەندى جۇمىس ستۋدەنتتەرگە كىتاپ ىزدەۋ جانە الۋ بويىنشا ىڭعايلى سەرۆيس ۇسىنۋ, سونداي-اق كىتاپحاناشىلارعا كىتاپحانا قورىمەن جۇمىس ىستەۋ ءۇشىن ىڭعايلى قۇرال جاساۋ ءۇشىن جۇرگىزىلەدى.
ء«بىلىم جانە عىلىم مينيسترلىگى جوو-لار, مەكتەپتەر مەن كوللەدجدەردىڭ الدىنا وقۋشىلاردىڭ وقۋعا دەگەن قىزىعۋشىلىعىن ارتتىرۋ جانە قاجەتتى اقپاراتتى ىڭعايلى ىزدەۋدى قامتاماسىز ەتۋ مىندەتىن قويدى. سوندىقتان قازىر جوو-لار اۆتوماتتاندىرىلعان جۇيەلەردى ەنگىزۋ, وزگەرىستەر ەنگىزۋ, تالاپتارعا سايكەس جۇيەلەردى پىسىقتاۋ جانە پەرسونالدى وقىتۋ بويىنشا شارالار قابىلداۋدا. سونىمەن قاتار جوو-لار كىتاپحانا قورىن جاڭا باسىلىمدارمەن تولىقتىرۋدا. ەڭ باستىسى, ۋنيۆەرسيتەت كىتاپحانالارى مەكتەپ وقۋشىلارى ءۇشىن اشىق بولادى. مەديارەسۋرستار - ەلەكتروندى وقۋلىقتار, ەنتسيكلوپەديالار, قۇرالدار جانە باسقا دا ادەبيەتتەر كوبەيدى. باسقا ەلەكتروندىق كىتاپحانالاردىڭ تولىق ءماتىندى جانە مۋلتيمەديالىق رەسۋرستارىنا, سونىڭ ىشىندە Web of Science جانە Scopus حالىقارالىق بازالارىنا قول جەتكىزۋ قامتاماسىز ەتىلدى. بۇل شارالار ستۋدەنتتەرىمىز ءۇشىن بارلىق جاعدايدى جاساۋ ءۇشىن قابىلدانىپ جاتىر», دەدى ءبىلىم جانە عىلىم ۆيتسە-ءمينيسترى قۋانىش ەرعاليەۆ.
