بەيجىڭدەگى XXIV قىسقى وليمپيادا ويىندارىنىڭ العاشقى چەمپيونى ايەلدەر سكياتلوندا انىقتالادى.
5 اقپاندا تۇستەن كەيىن كونكيمەن جۇگىرۋ سپورتى بويىنشا جارىستار باستالادى. 3000 م قاشىقتىقتاعى ايەلدەر اراسىندا قازاقستان نامىسىن نادەجدا موروزوۆا قورعايدى.
شورت-ترەكتەن جارىس بەيجىڭ وليمپياداسىندا دەبيۋت جاسايتىن ارالاس ەستافەتادان باستالادى. قازاقستان قۇراماسىنىڭ قۇرامىندا ابزال اجعاليەۆ, دەنيس نيكيشا, ولگا تيحونوۆا جانە يانا حان بار.
كونكيمەن جۇگىرۋشى ءادىل عالياحمەتوۆ بىلىكتىلىگىندە 1000 م قاشىقتىققا جۇگىرەدى.
پاۆەل كولماكوۆ پەن دميتري رەيحەرد موگۋلداعى وليمپيادانىڭ فينالىنا ەكىنشى رەت شىعۋ ءۇشىن كۇرەسەتىن بولادى. ول ءۇشىن ۇزدىك وندىققا كىرۋ كەرەك. سول كۇنى كەشكە ەرلەر موگۋلىندا فينال وتەدى.
سونداي-اق, بۇگىن ترامپليننەن سەكىرۋ بويىنشا جارىستار باستالادى. جەكە بىرىنشىلىكتە قازاقستاندىق «ۇشقىش شاڭعىشىلار» سەرگەي تكاچەنكو مەن دانيل ۆاسيلەۆ ونەر كورسەتەدى.
ايتا كەتسەك, ويىنداردىڭ اشىلۋ سالتاناتى كەشە, 4 اقپاندا ءوتتى.
