قر ۇلتتىق تەستىلەۋ ورتالىعىنىڭ ديرەكتورى رۋسلان ەمەلباەۆ ماسەلەنىڭ ءمانىسىن اشىپ ايتتى.
«جالپى 103 886 ءوتىنىم قابىلداندى. 95 پايىزى وسى جىلعى 11 جانە 12 سىنىپ وقۋشىلارى, ال 4 765-ءى جوعارى وقۋ ورنىنا اكادەميالىق كەزەڭگە شارتتى تۇردە قابىلدانعان 1-كۋرس ستۋدەنتتەرى, 413-ءى پەداگوگيكالىق عىلىمدار سالاسىنا اۋىساتىن ستۋدەنتتەر جانە 327-ءسى شىعارماشىلىقتان باسقا ءبىلىم بەرۋ توپتارىنا اۋىساتىن ستۋدەنتتەر», دەدى ول.
ونىڭ سوزىنە زەر سالساق, بۇگىنگە دەيىن 29 مىڭ تالاپكەر تەست تاپسىرعان. 78 پايىزى قازاق ءتىلىن, 21 پايىزى ورىس ءتىلىن تاڭداعان. سونىمەن قاتار 43 بالا ۇبت-نى اعىلشىن تىلىندە تاپسىرۋعا نيەتتەنىپ, 38-ءى تەستىلەۋگە قاتىسقان.
«50 بالل جيناي الماعان تالاپكەرلەردىڭ سانى 10 مىڭ ادامدى قۇرايدى. ياعني 34 پايىزى بەلگىلەنگەن شەكتى مەجەگە جەتە المادى», دەيدى رۋسلان ەمەلباەۆ.
