وسى ماقساتتا ەڭبەك كودەكسىنە, «بوسقىندار تۋرالى» «حالىقتىڭ كوشى-قونى تۋرالى», «جەكە باستى كۋالاندىراتىن قۇجاتتار تۋرالى» جانە «ىشكى ىستەر ورگاندارى تۋرالى» زاڭدارعا وزگەرىستەر ەنگىزىلدى.
«اتاپ ايتقاندا, ەڭبەك يمميگرانتتارىنا رۇقسات بەرۋ, بوسقىندارمەن جۇمىس, حالىقتىڭ كوشى-قونى سالاسىنداعى ۆەدومستۆوارالىق ۇيلەستىرۋدى جۇزەگە اسىرۋ, كوشى-قون پروتسەستەرىنىڭ مونيتورينگى جانە قۇقىقتىق ءتارتىپتى قامتاماسىز ەتۋمەن تىكەلەي بايلانىستى ەمەس بىرقاتار باسقا دا وكىلەتتىكتەر بەرىلدى», دەلىنگەن حابارلامادا.
ەڭبەك جانە حالىقتى الەۋمەتتىك قورعاۋ مينيسترلىگىنىڭ بوسقىندارمەن جۇمىسى كوبىنە ولارعا الەۋمەتتىك كومەك, مەديتسينالىق قىزمەت جانە ءبىلىم بەرۋگە, سونداي-اق ولاردى جۇمىسقا ورنالاستىرۋعا باعىتتالادى.
ءىىم ءباسپاسوز قىزمەتىنىڭ مالىمەتىنشە, «ازاماتتىق ۆەدومستۆونىڭ» بۇۇ بوسقىندار ىستەرى جونىندەگى جوعارعى كوميسسارىنىڭ باسقارماسى, كوشى-قون جونىندەگى حالىقارالىق ۇيىم, ۇكىمەتتىك ەمەس ۇيىمدار سياقتى حالىقارالىق قۇرىلىمدارمەن تىعىز ءوزارا ءىس-قيمىلى ولاردىڭ وزەكتى ماسەلەلەرىن حالىقارالىق ستاندارتتارعا سايكەس ساپالى شەشۋگە مۇمكىندىك بەرەدى.
حالىققا قىزمەت كورسەتۋ ورتالىقتارى ارقىلى بەرىلەتىن «ەڭبەك پاتەنتتەرى» دەپ اتالاتىن جەكە تۇلعالاردىڭ ءۇي شارۋاشىلىعىندا جۇمىس ىستەۋ ءۇشىن ەڭبەكشى كوشىپ كەلۋشىلەرگە رۇقسات بەرۋمەن ۇقساس جاعداي.
شەتەلدىكتەردىڭ جۇمىس ىستەۋىنە رۇقساتتىڭ بارلىق باسقا تۇرلەرىن جەرگىلىكتى اتقارۋشى ورگاندار بەرەدى, ولاردى بەرۋ ءتارتىبىن ەڭبەك جانە حالىقتى الەۋمەتتىك قورعاۋ مينيسترلىگى ايقىندايدى.
«بوسقىندار مەن ەڭبەك ميگرانتتارىنىڭ قازاقستاندا بولۋدىڭ بەلگىلەنگەن ەرەجەلەرىن ساقتاۋىن باقىلاۋ بۇرىنعىسىنشا پوليتسيا قۇزىرەتىندە ساقتالعان. ياعني, بوسقىن مارتەبەسىن جانە جەكە تۇلعادان ەڭبەك قىزمەتىنە رۇقسات العاننان كەيىن كورسەتىلەتىن قىزمەتتى الۋشىلار ورنالاسقان جەرى بويىنشا پوليتسياعا ۋاقىتشا تۇرۋعا رۇقسات الۋ ءۇشىن مىندەتتى تۇردە جۇگىنۋى ءتيىس», دەلىنگەن حابارلامادا.
بارلىق تۋىنداعان سۇراقتار بويىنشا ەڭبەك جانە حالىقتى الەۋمەتتىك قورعاۋ مينيسترلىگىنىڭ ەڭبەك, الەۋمەتتىك قورعاۋ جانە كوشى-قون كوميتەتىنە تەلەفون ارقىلى حابارلاسۋعا بولادى 8/717/2-74-37-78, 74-37-26 جانە قر ءىىم كوشى-قون قىزمەتى كوميتەتى تەلەفوندارى بويىنشا 8/717/2-71-40-73,72-20-62.
