دەپۋتاتتىڭ ايتۋىنشا, كوكشەتاۋ – ەلىمىزدەگى جىلۋ جانە ەلەكتر ەنەرگياسىنىڭ قازىرگى زامانعى كوزى جوق جالعىز وبلىس ورتالىعى. بۇل رەتتە جىلۋمەن جابدىقتاۋ 1978 جىلى پايدالانۋعا بەرىلگەن, قۋاتى قالاعا جەتىسپەيتىن ەسكىرگەن قازاندىقتارمەن جۇزەگە اسىرىلادى. سەناتوردىڭ پىكىرىنشە, قالاداعى ەلەكتر قۋاتىنىڭ ءتاريفى ەلىمىزدەگى ەڭ جوعارى تاريفتەردىڭ ءبىرى بولىپ سانالادى. ەلەكتر ەنەرگياسى باسقا وبلىستاردىڭ ەنەرگيا ءوندىرۋشى ستانتسيالارىنان ونداعان دەلدالداردىڭ جەلىلەرى ارقىلى قالاعا كەلەدى.
قازىرگى زامانعى جەو سالۋ ماسەلەنى شەشۋگە كومەكتەسەدى, الايدا ونىڭ قۇرىلىسىن مينيسترلەر كابينەتى تەك 2026 جىلعا عانا جوسپارلاپ وتىر. سەناتور جوبانى سوزباۋ جانە بارلىق بيۋروكراتيالىق ماسەلەلەردى بارىنشا جەدەل شەشۋگە ۇندەدى.
«پرەمەر-مينيستر بەكىتكەن جول كارتاسىنا سايكەس جەو-نىڭ ءبىرىنشى كەشەنىن پايدالانۋعا بەرۋ, وكىنىشكە وراي, تەك 2026 جىلدىڭ قازان ايىنا جوسپارلانعان. جەو قۇرىلىسى رەسپۋبليكالىق جوبا رەتىندە تانىلعانىنا قاراماستان ونىڭ قۇرىلىسى ۇزاققا سوزىلىپ بارا جاتىر. تەك مەملەكەتتىك-جەكەشەلىك ارىپتەستىك تۋرالى شارتقا قول قويۋ مەرزىمىنىڭ ءوزى 2023 جىلعا جوسپارلانعان. كوكشەتاۋ قالاسىندا ەلەكتر جانە جىلۋ ەنەرگياسىنىڭ تاپشىلىعى بار ەكەنىن, سونداي-اق ولاردى تۇتىنۋ ءوسىپ كەلە جاتقانىن ەسكەرە وتىرىپ, جەو سالۋ مەرزىمىن قىسقارتۋ كەرەك», دەدى نۇرلان بەكەنوۆ.
