قارجى مينيسترلىگى بايلىققا سالىق سالۋ ماسەلەسى قر ۇلتتىق ەكونوميكا مينيسترلىگى سايتىندا پىسىقتالاتىنىن مالىمدەدى.
«نەگىزىنەن, قۇنى جوعارى ليۋكس مودەلدى اۆتوكولىك قۇرالدارىنا, مىسالى, Aston Martin, Bentley, Ferrari, Lamborghini, Maserati (بەلگىلەنگەن تىزبە بويىنشا), ونىڭ قۇنىنا (بەلگىلەنگەن شەكتەن جوعارى) جانە شىعارىلعان جىلىنا قاراي كولىك قۇرالدارى سالىعىنىڭ مولشەرلەمەلەرىنە كوەففيتسيەنتتەر ەنگىزۋ جولىمەن جانە تىركەۋ الىمىنىڭ مولشەرلەمەسىن ارتتىرۋ ارقىلى جوعارى سالىق سالۋ ماسەلەسىن قاراۋ ۇسىنىلادى. بۇل رەتتە مۇنداي اۆتوكولىكتەر بويىنشا بارلىق جەڭىلدىك الىپ تاستالۋى ءتيىس», دەپ ءتۇسىندىردى مينيسترلىكتىڭ ءباسپاسوز قىزمەتى وكىلدەرى.
سونداي-اق قىمبات زاتتار رەتىندە رەسپۋبليكالىق ماڭىزى بار قالالاردا, وبلىس ورتالىقتارىندا, كۋرورتتىق ايماقتاردا ورنالاسقان ۇشاقتاردىڭ جەكەلەگەن سىنىپتارىن, ياحتالاردى جانە جىلجىمايتىن م ۇلىكتى قوسۋ جوسپارلانعان.
سونىمەن قاتار اۋماققا بايلانىستى, مىسالى, اۋدانى 300 شارشى مەتردەن اساتىن پاتەرلەر, تۇرعىن ۇيلەر, 400 شارشى مەتردەن اساتىن ساياجايلارعا بايلانىستى م ۇلىك سالىعىن ارتتىرۋ كوەففيتسيەنتتەرىن ەنگىزۋ جوسپارلانادى.
