ەلدەگى كارانتيندىك شەكتەۋلەرگە قاراماستان, قازاقستان رەسپۋبليكاسى تاۋەلسىزدىگىنىڭ 30 جىلدىعىنا ارنالعان كورمەنى 25 مىڭعا جۋىق ادام تاماشالادى.
كورمەدە شىعىس قازاقستان وبلىسىنداعى بەرەل, شىلىكتى جانە ەلەكە سازى جەرلەۋ كەشەندەرىنەن ءبىزدىڭ داۋىرىمىزگە دەيىنگى VIII-III عاسىرلارعا جاتاتىن جۇزدەگەن بىرەگەي التىن جادىگەر ۇسىنىلدى.
ەكسپوناتتار كەلۋشىلەرگە ساقتاردىڭ تۇرمىسىن, تاريحى مەن مۇراسىن تانۋعا, سونداي-اق ەجەلگى كوشپەندىلەردىڭ قازىرگى قازاق مادەنيەتىمەن ءتۇيىسۋ نۇكتەلەرىن زەرتتەۋگە مۇمكىندىك بەردى.
جابىلۋ سالتاناتىندا ءسوز سويلەگەن قازاقستاننىڭ ۇلىبريتانياداعى ەلشىسى ەرلان ىدىرىسوۆ كورمەنىڭ حالىقارالىق اۋديتورياعا قازاقستاننىڭ باي تاريحىن اشقانىن جانە ورتاق ماقسات – ەجەلگى اقپارات كوزدەرىن اشىپ, ادامزات تاريحىن تەرەڭىرەك تانۋعا ۇمتىلۋ جولىنداعى عىلىمي جانە مادەني ىنتىماقتاستىقتىڭ كورىنىسى بولعانىن اتاپ ءوتتى.
فيتسۋيليام مۇراجايىنىڭ ديرەكتورى ليۋك سايسون شىعىس قازاقستان تاريحي-ولكەتانۋ مۇراجايىنىڭ باسشىلىعىنا, پروفەسسورلار زەينوللا ساماشەۆ پەن ابدەش تولەۋبەكوۆكە تىعىز ىنتىماقتاستىق ءۇشىن العىسىن ءبىلدىرىپ, كورمە بارىسىندا كەمبريدج ۋنيۆەرسيتەتىنىڭ عالىمدارى قازاقستاندىق ارحەولوگتەرمەن بىرلەسىپ, بىرەگەي ساق ارتەفاكتىلەرىن زەرتتەگەنىن ايتتى.
عىلىمي زەرتتەۋلەردىڭ ناتيجەلەرى الداعى ايلاردا الەمدىك قاۋىمداستىققا ۇسىنىلادى.
مۇراجاي ديرەكتورى سونداي-اق كورمە مەن وعان ىلەسپە زەرتتەۋلەر قازاقستان مەن ۇلىبريتانيانىڭ عىلىمي قوعامداستىقتارى اراسىنداعى ىنتىماقتاستىقتى تەرەڭدەتۋ ءۇشىن بەرىك ىرگەتاس قالاعانىن اتاپ ءوتتى.
