كولىك جۇرگىزۋشىسى مەن جولاۋشىلاردىڭ جاعىمسىز قىلىقتارىن كۋاگەرلەر ۆيدەوعا ءتۇسىرىپ العان.
«2003-جىلى تۋعان پاۆلودار قالاسىنىڭ تۇرعىنى Lada Granta ماركالى اۆتوكولىگىمەن لەرمونتوۆ كوشەسىنىڭ ءجۇرىس بولىگىمەن كەلە جاتىپ, بىردەن بىرنەشە جول ەرەجەسىن ەلەمەي, جولدا اپاتتى جاعداي تۋعىزدى جانە جول قوزعالىسىنىڭ باسقا قاتىسۋشىلارىنا قاۋىپ ءتوندىردى», دەپ حابارلادى پاۆلودار وبلىسى پوليتسيا دەپارتامەنتىنىڭ ءباسپاسوز قىزمەتى.
ۆەدومستۆونىڭ مالىمەتىنشە, جۇرگىزۋشى جولاۋشىلاردى تاسىمالداۋ ەرەجەلەرىن ساقتاماعانى جانە تىيىم سالىنعان باعدارشامدا جۇرگەنى ءۇشىن جاۋاپكەرشىلىككە تارتىلدى. پوليتسيا سونىمەن قاتار جىگىتتىڭ 2021 جىلى ماس كۇيىندە كولىك جۇرگىزگەنى ءۇشىن كۋالىگىنەن ايىرىلعانىن انىقتادى.
«جۇرگىزۋ قۇقىعىنان ايىرىلعان تۇلعانىڭ كولىك قۇرالىن باسقارعانى ءۇشىن قۇقىق بۇزۋشىعا 10 تاۋلىككە قاماۋعا الۋ تۇرىندە اكىمشىلىك جازا تاعايىندالدى. سونىمەن قاتار, ول قر اقبتك - ءنىڭ 596-بابىنىڭ 5-بولىگى بويىنشا قارسى جولاققا شىققانى ءۇشىن جاۋاپكەرشىلىككە تارتىلدى», دەپ اتاپ ءوتتى وڭىرلىك پوليتسيا دەپارتامەنتىنىڭ ءباسپاسوز قىزمەتى.
ايىپپۇلدىڭ جالپى سوماسى 65 ايلىق ەسەپتىك كورسەتكىشتى, ياعني 200 مىڭ تەڭگەگە جۋىقتادى.
