سوتتىڭ ءباسپاسوز قىزمەتى مالىمدەگەندەي, بىرنەشە رەت پارا الۋ فاكتىسى بويىنشا قىلمىستىق ءىس قارالعان. ءىس ماتەريالدارىندا سوتتالۋشى «حالىقتى جۇمىسپەن قامتۋ ورتالىعى» كمم ديرەكتورى بولا وتىرىپ, مەملەكەتتىك باعدارلامالاردى ىسكە اسىرۋ بارىسىندا ەكى كومەكتەسۋشى ارقىلى جەكە تۇلعالاردان جالعا بەرىلەتىن تۇرعىن ءۇي بەرگەنى ءۇشىن بىرنەشە رەت پارا العانى ايتىلعان. پروكۋرور سوتتالۋشىعا ءتيىستى ورگانداردا قىزمەت اتقارۋ قۇقىعىنان ءومىر بويىنا ايىرا وتىرىپ, 10 جىل باس بوستاندىعىنان ايىرۋ, كومەكتەسۋشىلەرگە قاتىستى 10 جىل باس بوستاندىعىنان ايىرۋ تۇرىندەگى جازا تاعايىنداۋدى سۇرادى.
ايىپتالۋشىلار كىناسىن مويىنداماي, ولاردىڭ ارەكەتىندە قىلمىستىق قۇقىق بۇزۋشىلىق قۇرامىنىڭ بولماعانى ءۇشىن وزدەرىن اقتاۋدى سۇرادى.
«بىرنەشە رەت جاسالعان ايتارلىقتاي مولشەردە پارا العانى ءۇشىن ايىپپۇل تۇرىندە جازا نەمەسە 7 جىلدان 12 جىلعا دەيىنگى مەرزىمگە باس بوستاندىعىنان ايىرۋ قاراستىرىلعان. سوت سوتتالۋشىلاردىڭ قىلمىستىق جاۋاپتىلىعى مەن جازاسىن جەڭىلدەتەتىن ءمان-جايلارعا, اتاپ ايتقاندا سوتتىلىقتىڭ بولماۋى, كومەكتەسۋشىلەردىڭ بىرىنە قاتىستى كىشكەنتاي بالانىڭ بولۋىنا قارادى. سوت ۇكىمىمەن جۇمىسپەن قامتۋ ورتالىعىنىڭ ەكس-ديرەكتورى 8 جىلعا باس بوستاندىعىنان جانە ءومىر بويى مەملەكەتتىك قىزمەتتە قىزمەت اتقارۋ قۇقىعىنان ايىرىلدى, ال ونىڭ سىبايلاستارى – 7 جىلعا باس بوستاندىعىنان ايىرىلىپ, ارقايسىسى ورتاشا قاۋىپسىزدىك مەكەمەسىندە جازاسىن وتەپ, 5 جىلعا مەملەكەتتىك قىزمەتتە قىزمەت اتقارۋ قۇقىعىنان ايىرىلدى», دەپ حابارلادى پەتروپاۆل قالالىق سوتىندا.
