وبلىس اكىمدىگىنىڭ ءباسپاسوز قىزمەتى حابارلاعانداي, 2021 جىلعى جەلتوقساندا قر ۇلتتىق ەكونوميكا مينيسترلىگى تابيعي مونوپوليالاردى رەتتەۋ كوميتەتىنىڭ اتىراۋ وبلىسى بويىنشا دەپارتامەنتى «قازترانسگازايماق» اق اتىراۋ وندىرىستىك فيليالىنىڭ گاز تاراتۋ قۇبىرلارى ارقىلى تاسىمالداۋ قىزمەتتەرىنە ارنالعان ءتاريفىن 2022-2027 جىلدارعا 1 133,39 تەڭگە/مىڭ تەكشە مەترگە دەيىن تومەندەتتى.
وتكەن بەسجىلدىق كەزەڭمەن سالىستىرعاندا تاريف 36%-عا تومەندەدى. سونىمەن قاتار, كوميتەتى «قازترانسگازايماق» اق اتف-نىڭ جابدىقتاۋ ۇستەمەسىن 916,17 تەڭگە/مىڭ تەكشە مەترگە دەيىن, ياعني 43%-عا تومەندەتتى.
وسىلايشا, اتىراۋ وبلىسىنىڭ تۇتىنۋشىلارى ءۇشىن «قازترانسگازايماق» گازىنىڭ تۇپكىلىكتى باعاسى 38,9%-عا تومەندەدى.
تۇرمىستىق تۇتىنۋشىلار, جىلۋ ەنەرگەتيكالىق كومپانيالار ءۇشىن حالىق ءۇشىن جىلۋ ەنەرگياسىن وندىرۋگە تاۋارلىق گازدى تۇتىنۋ كولەمىندە - 4 720,33 تەڭگە/مىڭ تەكشە مەتر. زاڭدى تۇلعالار ءۇشىن جىلۋ ەنەرگياسىن وندىرۋگە تاۋارلىق گازدى تۇتىنۋ كولەمدەرىندە جىلۋ ەنەرگەتيكالىق كومپانيالار ءۇشىن, ەلەكتر ەنەرگياسىن وندىرۋگە تاۋارلىق گازدى تۇتىنۋ كولەمدەرىندە جىلۋ ەنەرگەتيكالىق كومپانيالار ءۇشىن, وزگە دە زاڭدى تۇلعالار ءۇشىن – 11 482,47 تەڭگە/مىڭ تەكشە مەتر. بيۋدجەتتىك ۇيىمدار ءۇشىن – 13 344,23 تەڭگە/مىڭ تەكشە مەتر; تۇتىنۋشىلارعا ودان ءارى وتكىزۋ ماقساتىندا سىعىلعان جانە سۇيىتىلعان تابيعي گاز ءوندىرۋ ءۇشىن تاۋارلىق گازدى ساتىپ الاتىن زاڭدى تۇلعالار ءۇشىن – 11518,56 تەڭگە/مىڭ تەكشە مەتر.
تومەندەتىلگەن باعالار 2022 جىلدىڭ 1 اقپانىنان باستاپ ەنگىزىلەدى.
