برازيليالىق فۋتبولشى انگليانىڭ سىرا ليگاسىنداعى «بۋلل ين بارن يۋنايتەد» كومانداسى ساپىندا جاسىل الاڭعا شىعادى. بۇل – جەرگىلىكتى بارلار مەن مەيرامحانالار دەمەۋشىلىك ەتەتىن كوماندالار قاتىساتىن اۋەسقوي جارىس.
ءيا, اۋەسقوي كلۋب ارمانىنا جەتىپ, «ارمان ترانسفەرى» اياسىندا اڭىز فۋتبولشىنى ءبىر ويىن ءۇشىن قاتارىنا قوستى. جارىستىڭ ەرەجەسىنە سايكەس, قاتىسۋشى كوماندا 5 فۋنت تولەيدى. ال دودادا جەڭىمپاز اتانعان ۇجىم قۇرامىنا كاسىپقوي فۋتبولشىنى قوسۋ مۇمكىندىگىنە يە بولادى. ال ترانسفەردى eBay ۇيىمى جۇزەگە اسىرادى. دەگەنمەن روبەرتو كارلوس جاسىل الاڭعا اۋەسقوي كوماندانىڭ نەگىزگى قۇرامىندا شىقپايدى. الاڭداعى ويىنشىلاردىڭ ءبىرىن الماستىرىپ قانا ويىنعا ارالاسا الادى.
