ەلىمىزدىڭ كۇش-جىگەرىنە جوعارى باعا

كەشە ەلوردادا ەقىۇ-نىڭ ءىس باسىنداعى توراعاسى, قازاقستان رەسپۋبليكاسىنىڭ مەملەكەتتىك حاتشىسى – سىرتقى ىستەر ءمينيسترى قانات ساۋداباەۆ بەيبىتشىلىك جانە ادام قۇقىقتارى ورتالىعىنىڭ پرەزيدەنتى (وسلو قالاسى), نورۆەگيا كورولدىگىنىڭ ەكس پرەمەر-ءمينيسترى كەلل ماگنە بوندەۆيكپەن كەزدەستى. ول قازاقستانعا ەقىۇ-عا توراعا ەل رەتىندە وسى ۇيىمنىڭ ءتۇرلى ولشەمدەرىنە قاتىستى ماسەلەلەردى تالقىلاۋ جانە ءبىزدىڭ مەملەكەتىمىزبەن بىتىمگەرشىلىك سالاسىنداعى ىنتىماقتاستىقتى نىعايتۋ ماقساتىندا كەلگەن بولاتىن. ك.م.بوندەۆيك قازاقستاننىڭ ەل ىشىندەگى ۇلتارالىق جانە ءدىن­ارالىق كەلىسىمدى نىعايتۋ, تولە­رانت­­تىلىق قاعيداتتارىن حالىق­ارا­لىق دەڭگەيدە ىلگەرى جىلجىتۋ سالالارىنداعى كۇش-جىگەرىنە جوعارى باعا بەردى. نورۆەگيالىق ساياساتكەر قازاقستاننىڭ جانە  پرەزيدەنت نۇرسۇلتان نازار­باەۆ­تىڭ جەكە باسىنىڭ, اسىرەسە, وتكەن ءساۋىر ايىندا ۆاشينگتوندا ۇيىم­داستىرىلعان يادرولىق قاۋىپسىزدىك جونىندەگى جاھاندىق سامميتتە ايرىقشا ايتىلعان يادرولىق قارۋسىزدانۋ مەن حالىقارالىق قاۋىپسىزدىكتى بەكەمدەۋگە قوسقان ۇلكەن ۇلەسىن ەرەكشە اتاپ ءوتتى. كەزدەسۋدە, سونىمەن قاتار, قازاقستاننىڭ ەقىۇ-عا توراعالىق ميسسياسىن ورىنداۋداعى ءتيىمدى دە پراگماتيكالىق قادامدارى اتاپ اي­تىلدى. سۇحباتتاستار قازاق­ستان­نىڭ ۇيىمنىڭ ءۇش ولشەمى – ءاس­كەري-ساياسي, ەكونوميكالىق-ەكولو­گيالىق  جانە گۋمانيتارلىق ءول­شەم­دەرىنىڭ تەپ-تەڭدىگىن قامتاما­سىز ەتۋگە نىق جاقىندىعىن اتاپ كورسەتتى. سونىمەن بىرگە, استا­نانىڭ توراعالىق كەزەڭىندە گۋمانيتارلىق ولشەمدەر بويىنشا بىرقاتار سالماقتى شارالار ۇيىمداستىرماق نيەتى رەس­پۋبليكانىڭ ەقىۇ-نىڭ وسى ماڭىزدى سالاداعى كۇش-جىگەرىنە جاڭا سەرپىن قوسۋعا ۇمتىلىسىن ايعاقتايتىنى اتالدى. بۇل جەردە اڭگىمە الداعى ماۋسىم ايىندا دانيادا وتەدى دەپ جوسپارلانعان ەقىۇ-نىڭ ادام قۇقىقتارى سا­لاسىنداعى ەڭ باستى قۇجاتتارى­نىڭ ءبىرى – كوپەنگاگەن قۇجاتى مەن استانادا ۇيىمداستىرىلادى دەپ كۇتىلىپ وتىرعان تولە­رانت­تىلىق جانە كەمسىتپەۋشىلىك ءجو­نىندەگى جوعارى دەڭگەيدەگى كون­فەرەنتسيا. وسىعان بايلانىستى ق.ساۋدا­باەۆ پەن ك.بوندەۆيك ەقىۇ اياسىندا ادام قۇقىقتارىن ىلگەرى جىلجىتۋ سالاسىنداعى ءوزارا ءىس-قيمىلدى ودان ءارى نىعايتۋ پەرس­پەكتيۆالارىن تالقىلادى.