اقش عارىش اگەنتتىگى بۇل باعىتتا ەكى ماسەلەگە باسا نازار اۋدارۋدى كوزدەپ وتىر. ماقسات – باسقا عالامشارلاردا بار مۇحيتتاردىڭ تابيعاتىن ءتۇسىنۋ جانە ەكسترەمالدى جاعدايلاردا جۇمىس ىستەۋ تەحنولوگيالارىن ازىرلەۋ.
مۇحيتتىڭ تەرەڭدىگى مەن عارىش كەڭىستىگىندە ورتاق نارسە بار. ول مۇحيت ءتۇبى مەن كۇن جۇيەسىندەگى كەيبىر پلانەتالاردا كەزدەسەتىن ۇقساستىقتار. بەس شاقىرىمنان استام تەرەڭدىكتەگى مۇحيت قول جەتپەيتىن تۇڭعيىق سانالادى.
الەمدەگى ەڭ تەرەڭ جەر – ماريانا ۇڭعىماسى جەر بەتىنەن 11022 مەتر تومەندە جاتىر. بۇل ورىن بريتان زەرتتەۋ كەمەسى قۇرمەتىنە «چەللەندجەر تەرەڭدىگى» دەپ تە اتالادى. ازىرگە مۇنداي تەرەڭدىككە سۇڭگۋگە قابىلەتتى قۇرىلعىلار ساناۋلى عانا.
