مەملەكەت باسشىسىنا «حابار» تەلەارناسىنا بەرگەن سۇحباتىندا قازاق وليگارحتارى «قازاقستان حالقىنا» قوعامدىق الەۋمەتتىك قورىنا نەلىكتەن قارجى اۋدارۋعا اسىقپايتىنىن جانە بۇل قورعا بولىنگەن قارجى قانداي ماقساتقا جۇمسالادى دەگەن سۇراق قويىلدى.
«بۇگىندە قوردا شامامەن 50 ميلليارد تەڭگە بار. قور قىزمەتىنە جەكە ارالاسپايمىن, قور باسشىسى بولىپ بۇرىنعى قارجى ءمينيسترى بولات جامىشەۆ تاعايىندالدى. قامقورشىلىق كەڭەسى بار, مەن قاتىسقان جوقپىن. ولار قوعامدىق نەگىزدە جۇمىس ىستەپ باستادى. مەنىڭ جۇمىسىم - وسى قورعا جارنالاردى ىنتالاندىرۋ. مەنىڭ ويىمشا, وتە انىق ۇندەۋ جاسالدى. بۇل سالىق ەمەس, بۇل قايىرىمدىلىق, بىراق ارقاشان كەيبىر نارسەلەردى رەتتەۋ كەرەك. مەنىڭ بىلۋىمشە, مەملەكەت سالىق سالىناتىن تابىستىڭ 3 پايىزىن بەلگىلەدى, بۇل شىن مانىندە ءىرى بيزنەسكە قاتىستى.
«قازاقستان حالقى» قورى بالالارعا كومەكتەسەدى, بالالار سپورتىن, سونىڭ ىشىندە اۋىلدىق جەرلەردەگى سپورتتى دامىتادى. الماتى قالاسىن قالپىنا كەلتىرۋ, مادەنيەتتى كوتەرۋ جانە باسقا دا ماقساتتار قاراستىرىلادى. بۇل - قامقورشىلىق كەڭەستىڭ قۇزىرىنداعى ماسەلە», دەدى قاسىم-جومارت توقاەۆ.
