بۇگىن جەرگىلىكتى ۋاقىت 11 ساعات 49 مينۋتتا سوزاق اۋداندىق ءورت ءسوندىرۋ ءبولىمىنىڭ جەدەل جەلىسىنە شولاققورعان اۋىلىنىڭ جىبەك جولى كوشەسىندە ورنالاسقان 2 قاباتتى اۋرۋحانادا ءورت شىققانى تۋرالى حابارلاما تۇسكەن. وقيعا ورنىنا جەتكەن تۇركىستان وبلىسى توتەنشە جاعدايلار دەپارتامەنتىنىڭ 13 ءورت ءسوندىرۋشىسى مەن 4 بىرلىك تەحنيكاسى جەدەل ءورتتى ءسوندىرىپ, ادامداردى قۇتقارۋعا كىرىسكەن. ناتيجەسىندە ءورت سوندىرۋشىلەر 57 ادامدى ەۆاكۋاتسيالادى.
ء«ورت وقيعاسى ورنىنا №11 ءورت ءسوندىرۋ ءبولىمىنىڭ كۇشتەرى مەن قۇرالدارى جىبەرىلدى. ءورت سوندىرۋشىلەر وقيعا ورنىنا كەلگەن كەزدە اۋرۋحانانىڭ №11 پالاتاسىندا توسەك-ورىن جابدىقتارى جانىپ جاتتى. ءورت سوندىرۋشىلەر بىردەن ادامداردى قۇتقارۋعا كىرىستى. ءورت ساعات 12-02-دە اۋىزدىقتالىپ, 12-10-دا ءسوندىرىلدى. زارداپ شەككەندەر جوق», دەدى شىڭعىس سۇلەيمەنوۆ تۇركىستان وبلىسى تجد ءباسپاسوز قىزمەتى.
