«وڭىرلەردەگى وزەكتى الەۋمەتتىك-ەكونوميكالىق ماسەلەلەردى شەشۋگە پارتيا مۇشەلەرىنىڭ قاتىسۋىن كۇشەيتۋ قاجەت. ءماسليحات دەپۋتاتىنىڭ توسبەلگىسى وبلىس ەليتاسىنا جاتاتىن ويدان شىعارىلعان اتريبۋت ەمەس جانە جوعارى لاۋازىمدارعا جولداما بولا المايدى», دەدى مەملەكەت باسشىسى, Nur Otan پارتياسىنىڭ توراعاسى قاسىم-جومارت توقاەۆ.
پرەزيدەنتتىڭ ايتۋىنشا, ءماسليحات دەپۋتاتى حالىق مۇددەسى جولىندا جۇمىس ىستەۋى كەرەك. سوندىقتان دەپۋتاتتار مانداتىنا بايلانىستى ايىرماشىلىقتى انىق ءتۇسىنۋى كەرەك.
«ازىرگە ءبىزدىڭ دەپۋتاتتاردىڭ ازاماتتار اراسىندا ءتيىستى بەدەلى جوق. بۇل قايعىلى قاڭتار وقيعاسى كەزىندە انىق بايقالدى», دەدى Nur Otan پارتياسىنىڭ جاڭادان سايلانعان توراعاسى.
ايتا كەيتەيىك, پارتيا توراعاسى دەپۋتاتتىق ساۋالداردىڭ رەسمي ەمەس, تۇرعىنداردىڭ ناقتى ماسەلەلەرىن كورسەتەتىن بولۋى كەرەكتىگىن ەسكەرتتى.
