الەم • 28 قاڭتار، 2022

قىرعىزستانمەن شەكاراداعى قاقتىعىس: 10 تاجىكستاندىق زارداپ شەكتى، ەكەۋى قازا تاپتى

473 رەت كورسەتىلدى

قىرعىزستان مەن تاجىكستان شەكاراسىنداعى شەكارا قاقتىعىسىنىڭ ناتيجەسىندە تاجىك تاراپىنان 10 ادام جاراقات الدى، ونىڭ ىشىندە 6 اسكەري قىزمەتشى بولسا 4-ەۋى بەيبىت تۇرعىندار، دەپ حابارلايدى Egemen.kz حوۆارعا سىلتەمە جاساپ.

1986 جىلى تۋعان حودجاي الو اۋىلىنىڭ تۇرعىنى تۋيچيەۆ وبيددجون اۋلاسىندا قىرعىز اسكەري قىزمەتشىلەرى اتقان مينومەت سناريادىنىڭ جارىلۋى سالدارىنان قازا تاپتى، سونداي-اق 1964 جىلى تۋعان، يسفارا قالاسى اۋرۋحاناسىنىڭ العاشقى مەديتسينالىق كومەك ءبولىمىنىڭ جۇرگىزۋشىسى ءشارىپوۆ ابدۋلاتيف رابيەۆيچ، حودجاي الو اۋىلىنىڭ بەيبىت تۇرعىندارىن قىرعىز تاراپىنان مينومەتتىڭ جارىلۋىنان قۇتقارۋ كەزىندە قازا تاپتى.

2022 جىلعى 28 قاڭتاردا ساعات 01:00-دە يسفارا قالاسى سۋرح اۋىلدىق وكرۋگىنىڭ اۋماعىندا تاجىكستان مەن قىرعىزستاننىڭ قۇزىرەتتى ورگاندارىنىڭ جۇمىس توبىنىڭ كەزدەسۋى ءوتتى. تاراپتار قارۋلى شەكارا قاقتىعىسىن قاراپ، تالقىلاعاننان كەيىن بارلىق قوسىمشا كۇشتەر مەن تەحنيكا مەملەكەتتىك شەكارا سىزىعىنان تۇراقتى ورنالاسقان جەرگە قايتىپ ورالۋى ءۇشىن 2022 جىلعى 28 قاڭتار ساعات 08:00-گە دەيىن اتىستى توقتاتۋدى جاريالاۋ تۋرالى كەلىسىمگە كەلدى.

قازىرگى ۋاقىتتا تاجىكستان مەن قىرعىزستاننىڭ مەملەكەتتىك شەكاراسىنداعى جاعداي تۇراقتى، ەكى تاراپتىڭ ءتيىستى قۇرىلىمدارىنىڭ بىرلەسكەن كوميسسياسى شەكارالىق قاقتىعىستىڭ سەبەپتەرى مەن فاكتورلارىن زەرتتەپ جاتىر. 

سوڭعى جاڭالىقتار

يكبال الەمى

تانىم • كەشە

اسكەردەگى ادەبي كۇن

ايماقتار • كەشە

دامۋدىڭ كىلتى

قوعام • كەشە

ەل سەنىمىن ارقالاعان

قازاقستان • كەشە

تورعاي سۇڭقارى

ادەبيەت • كەشە

ۇلى شايقاس

ونەر • كەشە

ۇقساس جاڭالىقتار