ونىڭ ايتۋىنشا, تۇراقتانۋ ۇردىسىنە قاراماستان ىندەت جۇقتىرۋ جاعدايى جوعارى دەڭگەيدە قالىپ وتىر. تاۋلىگىنە 2852 راستالعان جاعداي تىركەلگەن.
«قاڭتاردىڭ 27 كۇنىندە 72 017 جاعداي انىقتالدى. بۇل ەلىمىز بويىنشا جالپى تىركەلگەن جاعدايلاردىڭ 44,6%-ىن قۇرايدى. COVID-19 ادامداردىڭ دەنساۋلىعىڭىزعا تەرىس اسەر ەتەدى. اسىرەسە, ۆاكتسيناتسيا الماعاندار ءۇشىن قاۋىپتى. ۆاكتسيناتسيادان گورى اۋىرعان دۇرىس دەپ سانايتىندار بار. بۇل دۇرىس ەمەس. كوروناۆيرۋس ينفەكتسياسى – وتە قاۋىپتى اۋرۋ», دەدى سارحات بەيسەنوۆا.
ەلوردانىڭ باس سانيتارلىق دارىگەرى پوستكوۆيدتىك سيندرومنىڭ قاۋىپتىلىگىن دە ەسكەرتتى.
«بىزگە بەلگىلى پوستكوۆيدتىك سيندروم تۋرالى ايتاتىن بولساق, ول ءۇش ايدان ءبىر جىلعا دەيىن سوزىلۋى مۇمكىن. كەيدە ول اۋرۋدان سوڭ 2-3 ايدان كەيىن عانا داميدى. كوۆيدتى جەڭىل تۇردە قابىلدادى دەگەن پاتسيەنتتەردىڭ وزىندە دە يممۋنيتەت قاتتى زارداپ شەگەدى. «وميكرون» «دەلتا» شتامىنا قاراعاندا جەتى ەسە جۇقپالى ەكەنىن ەسكەرە وتىرىپ, حالىقتىڭ باسىم كوپشىلىگىندە يممۋنيتەت تومەندەيتىنىن ءتۇسىنۋ كەرەك», دەدى ۆەدومستۆو وكىلى.
