مينيسترلىكتىڭ حابارلاۋىنشا, قازىرگى ۋاقىتتا ەلىمىزدەگى اۆتوجولداردا 133 جىلىتۋ بەكەتى جۇمىس ىستەپ تۇر.
كوكتايعاققا قارسى 122 مىڭ تەكشە مەتردەن اسا قۇم مەن ۇنتاق, 18 مىڭ تونناعا جۋىق تۇز جانە حيميالىق رەاگەنتتەر دايىندالدى. ال قار قۇرساۋى پايدا بولۋى مۇمكىن جەرلەردە 55 مىڭ مەتردەن استام قاردان قورعايتىن قالقاندار مەن 5 مىڭعا جۋىق ۋاقىتشا جول بەلگىلەرى ورناتىلۋدا.
بۇگىنگى تاڭدا رەسپۋبليكالىق ماڭىزى بار اۆتوجولداردىڭ بارلىعى اشىق. ولاردى كۇتىپ ۇستاۋ جۇمىستارى تاۋلىك بويى جۇرگىزىلەدى. قار باساتىن بارلىق ۋچاسكەلەردە اۋا رايىنىڭ وزگەرۋىنە بايلانىستى جانە جول ەلەمەنتتەرىن اۋىستىرۋ ءۇشىن شۇعىل ارەكەت ەتەتىن تاۋلىك بويعى پاترۋلدەۋ ۇيىمداستىرىلدى.
ايتا كەتسەك, ساپاردا قيىن جاعدايعا تاپ بولعان جولاۋشىلار ءۇشىن ەل بويىنشا 133 جىلىتۋ بەكەتى جۇمىس ىستەيدى.
وقىس جاعدايلار تۋىنداعان كەزدە جول قوزعالىسىنا قاتىسۋشىلار 1403 ءنومىرى بويىنشا تاۋلىك بويى ىستەيتىن call-ورتالىققا جۇگىنە الادى.
