كوروناۆيرۋس • 26 قاڭتار، 2022

جاستار اراسىندا جىلدام تاراپ جاتىر

54 رەت كورسەتىلدى

بيىل 24 قاڭتارداعى مالىمەت بويىنشا وبلىستا كوروناۆيرۋسقا قاتىستى 124 جاعداي انىقتالدى. ونىڭ 43-ىنەن اۋرۋ بەلگىلەرى بايقالعان، باسىم بولىگى سيمپتومسىز. ال ينفەكتسيالىق ستاتسيو­ناردا 368 ناۋقاس ەم قابىلداپ جاتىر. 40 مىڭعا جۋىق تۇرعىن كوروناۆيرۋسقا قارسى ۆاكتسينانىڭ ءۇشىنشى دوزاسىن قابىلدادى.

وڭىرلىك كوممۋنيكاتسيالار قىزمەتىندە وتكەن بريفينگتە وبلىستىق دەنساۋلىق ساقتاۋ باس­قارماسى باسشىسىنىڭ ورىنباسارى جانگەلدى شايىمبەتوۆ اۋرۋدى انىقتاۋ مەن الدىن-الۋ باعىتىنداعى جۇمىستاردى سارالاپ ءوتتى.

– قازىر وبلىس «قىزىل اي­ماقتار» قاتارىندا تۇر. ىندەت جۇقتىرۋشىلار قاتارى دا كۇن سايىن ارتىپ بارادى. دەرتتى دەن­­دەتپەۋدىڭ جالعىز امالى – ەكپە الۋ. وسى كۇنى وبلىستا ۆاك­تسينانىڭ 1 كومپونەنتىن العاندار 92،6 پايىز بولسا، ەكىنشى بولىگىن سال­دىرعاندار دا وسى مەجەگە جەتىپ قالدى. ال رەۆاكتسينالاۋدان 39 537 تۇرعىن وتكەن. سونداي-اق 8 مىڭ دوزا «سپۋتنيك-لايت» ۆاك­تسيناسى جەتكىزىلىپ، بارلىق ەم­حاناعا جونەلتىلۋدە، – دەدى ج.شايىم­بەتوۆ.

ىندەتكە شالدىعۋشىلار وبلىس ورتالىعىندا كوپ تىركەلىپ وتىر. اۋداندار اراسىندا شيەلى جانە جاڭاقورعاندا ۆيرۋس جۇق­تىرعاندار باسىم. وبلىستىق سانيتارلىق-ەپيدەميولوگيالىق باقىلاۋ دەپارتامەنتى باس­شىسىنىڭ مىندەتىن اتقارۋشى ءاليا ابدىقايىموۆا 20-39 جاس ارالىعىنداعىلار ىندەتكە جيىرەك ىلىگىپ وتىرعانىن ايتىپ ءوتتى.

– سونداي-اق 14 جاسقا دەيىنگى بالالار اراسىندا دا كوبىرەك بايقالىپ وتىر. وبلىستا كوروناۆيرۋس ينفەكتسياسىنان بو­لەك، ءجىتى رەسپيراتورلىق ۆيرۋس­تى ين­فەكتسيالاردىڭ ەپيداحۋال­ى كۇر­دەلەنىپ تۇرعانىن دا ايتا كە­تەيىك. سوڭعى اپتاداعى كورسەت­كىشتەر وتكەن كەزەڭدەرمەن سالىس­تىرعاندا 1،5 ەسەگە ارتقان، – دەدى ءاليا مۇتالىپقىزى.

 

قىزىلوردا وبلىسى

 

سوڭعى جاڭالىقتار

يكبال الەمى

تانىم • كەشە

اسكەردەگى ادەبي كۇن

ايماقتار • كەشە

دامۋدىڭ كىلتى

قوعام • كەشە

ەل سەنىمىن ارقالاعان

قازاقستان • كەشە

تورعاي سۇڭقارى

ادەبيەت • كەشە

ۇلى شايقاس

ونەر • كەشە

ۇقساس جاڭالىقتار