مەملەكەت باسشىسى قاسىم-جومارت توقاەۆ قىتاي مەن ورتالىق ازيا ەلدەرى اراسىنداعى ديپلوماتيالىق قارىم-قاتىناستاردىڭ ورناتىلعانىنا 30 جىل تولۋىنا ارنالعان سامميتتە ءسوز سويلەدى. شاراعا قحر توراعاسى سي تسزينپين, وزبەكستان پرەزيدەنتى شاۆكات ميرزيەەۆ, قىرعىزستان پرەزيدەنتى سادىر جاپاروۆ جانە تاجىكستان پرەزيدەنتى ەمومالي راحموننىڭ ونلاين رەجيمدە قاتىسىپ جاتىر.
«ازياداعى ءوزارا ءىس-قيمىل جانە سەنىم شارالارى جونىندەگى كەڭەستىڭ ماڭىزدى مۇمكىندىكتەرىنە نازار اۋدارعىم كەلەدى. وسى فورۋمنىڭ قازىرگى توراعاسى رەتىندە قازاقستان اوسشك تيىمدىلىگىن ارتتىرۋ بويىنشا جۇيەلى شارالار قابىلداپ جاتىر. كەزدەسۋدى ازياداعى قاۋىپسىزدىك پەن دامۋ ۇيىمىنا اينالدىرۋ اعىمداعى سىن-قاتەرلەر مەن قاۋىپ-قاتەرلەرگە قارسى تۇرۋداعى ۇجىمدىق كۇش-جىگەرىمىزدى ساپالى جاڭا دەڭگەيگە كوتەرەر ەدى. ارىپتەستەرگە وسى باستامانى قولداعانى ءۇشىن العىس ايتىپ, بيىل كۇزدە قازاقستان استاناسىندا وتەتىن مەرەيتويلىق سامميتكە قاتىسۋعا شاقىرامىن», دەدى توقاەۆ.
ءىس-شارانىڭ قورىتىندىسى بويىنشا ديپلوماتيالىق قاتىناستاردىڭ ورناعانىنا 30 جىل تولۋىنا وراي بىرلەسكەن مالىمدەمە قابىلدانادى.
