«قازاقستاننىڭ ورنىقتىلىق قورى» اق باسقارماسىنىڭ شەشىمىمەن توتەنشە جاعداي ەنگىزۋ سالدارىنان زارداپ شەككەن قارىز الۋشىلاردى قولداۋ شارالارىن ىسكە اسىرۋ شەڭبەرىندە «7-20-25» جانە «باسپانا حيت» يپوتەكالىق باعدارلامالارىنىڭ كليەنتتەرىنە ايىپپۇل مەن ءوسىمپۇل ەسەپتەمەي, 2022 جىلدىڭ 5 قاڭتارىنان باستاپ 90 كۇنگە دەيىن تولەمدى كەيىنگە قالدىرۋ ۇسىنىلدى», دەلىنگەن حابارلامادا.
قازاقستان قارجى نارىعىن رەتتەۋ جانە دامىتۋ اگەنتتىگىنىڭ 2022 جىلدىڭ 10 قاڭتارىنداعى بۇيرىعىمەن توتەنشە جاعداي ەنگىزۋ سالدارىنان زارداپ شەككەن جەكە جانە زاڭدى تۇلعالاردىڭ قارىزى بويىنشا تولەمدەردى كەيىنگە قالدىرۋدى ۇسىنۋ ءتارتىبى بەكىتىلدى.
«7-20-25» جانە «باسپانا حيت» يپوتەكالىق باعدارلامالارى بويىنشا تولەمدى كەيىنگە قالدىرۋ وسى ءتارتىپ شەڭبەرىندە قولدانىلادى.
تارتىپكە سايكەس, بانكتەر تولەمدەردى 2022 جىلدىڭ 5 قاڭتارىنان 5 ساۋىرگە دەيىنگى كەزەڭگە كەيىنگە قالدىرۋدى ۇسىنادى.
تولەمدى كەيىنگە قالدىرۋ قارىز الۋشىنىڭ كرەديتتىك تاريحىنا اسەر ەتپەيدى.
تولەمدى كەيىنگە قالدىرۋ مۇمكىندىگىن الۋ ءۇشىن قارجىلىق جاعدايىنىڭ ناشارلاعانىن راستايتىن قۇجاتتاردى قوسا بەرە وتىرىپ, بانككە ەركىن تۇردە وتىنىش ءبىلدىرۋ كەرەك. ءوتىنىش ەلەكتروندى پوشتانىڭ, بانك-كليەنت ونلاين-جۇيەسىنىڭ, ينتەرنەت-رەسۋرستىڭ, ءموبيلدى قوسىمشانىڭ, باسقا دا بايلانىس قۇرالدارىنىڭ كومەگىمەن نەمەسە قارىز الۋشىنىڭ بانك بولىمشەسىنە كەلۋى ارقىلى بەرىلەدى.
ءوتىنىشتى قاراستىرۋ مەرزىمى – 10 جۇمىس كۇنى.
تولەمدى كەيىنگە قالدىرۋ تۋرالى ءوتىنىش 2022 جىلدىڭ 4 ساۋىرىنە دەيىن (قوسا العاندا) قابىلدانادى.
