بەيجىڭ وليمپياداسى: قازاقستان اتىنان كىمدەر قاتىسادى؟

بۇل تۋرالى ۇلتتىق وليمپيادا كوميتەتى ءمالىم ەتتى.

تورتجىلدىقتىڭ باستى دوداسىندا ەلىمىزدىڭ اتىنان گالينا ۆيشنەۆسكايا, الەكساندر مۋحين جانە ۆلاديسلاۆ كيرەەۆ سىنعا تۇسەدى.

«بياتلوننان وليمپيادا ليتسەنزياسى كوماندانىڭ ماۋسىمداعى كورسەتكىشتەرىنە قاراي بەرىلەتىن. الايدا, پاندەمياعا بايلانىستى حالىقارالىق بيتلونشىلار وداعى جارىس جوسپارىن تۇگەلدەي وزگەرتتى. بۇرىن 1-دەن 20-شى ورىنعا دەيىنگى كوماندالارعا ءتورت كۆوتا, 20-23 ورىنعا ەكى كۆوتا, 24-ءشى ورىننان ءارى قاراي Wild Card بەرىلەتىن. بيىل تەك 20-شى ورىنعا دەيىنگى كوماندالاردىڭ كۆوتاسى ساقتالىپ, ودان تومەن ورنالاسقاندار جەكەلەي كورسەتكىشى بويىنشا جولداما يەلەندى. ال مۇنداي ورىندار بار بولعانى 12 عانا.

تاعى ءبىر ايتا كەتەرلىگى, قىتاي كومانداسى توپ-20 قاتارىنا ەنبەسە, جارىستى قابىلداۋشى ەل رەتىندە اۆتوماتتى تۇردە Wild Card بويىنشا 4 كۆوتا الدى. ناتيجەسىندە, سەگىز بوس ورىنعا 35 كوماندا تالاسادى. ال ەستافەتادا 27 قۇراما باق سىنايدى.

وسىعان وراي, ءبىزدىڭ قىزدار كومانداسىنىڭ الدىندا ءتورت جولداما الۋ ماقساتى تۇردى. الايدا, ءبىزدىڭ قۇرامانى قىتاي قۋىپ جەتىپ, ءبىز كۆوتادان ايىرىپ قالدىق. قازاقستان اتىنان گالينا ۆيشنەۆسكايا عانا قاتىسادى», دەدى قۇرامانىڭ باس باپكەرى ماقسات شارانوۆ.